Read lunyore 1 TIMOTEO 2 Bible Online

1 TIMOTEO 2 - lunyore bible

1 TIMOTEO 2

¹Kho nyunjianga mbu eliokhuranga mukosi okhusaba, nokhusaaya nokhuhomba nokhuboola embwo khukholwe khu Nyasaye khulwa abandu bosi;

²khulwa abaruchi nende bosi abali mubunyali; khumenye mubuhotselekhu nobuholelu mukhuria Nyasaye khwosi nende okhwetembelesia.

³Ling'ana yili nelilahi ne liyanzisianga Nyasaye omuhonia wefwe;

⁴orunanga abandu bosi bahonibwe ma batoole okhumanya akatooto.

⁵Okhuba aliho Nyasaye mulala, omuhambani mulala ohambanianga Nyasaye nende abandu, niye Omundu Kristo Yesu,

⁶owehana abe omununuli wabandu bosi. Okhuribula yikhwo khuribulwe mumatukhu kakhwo kene; mbu Nyasaye yenyanga abandu bosi bahonibwe,

⁷ne niko akali okhuchila ninzahulwa ma nirumwa singa omurumwa ma omwibaali khu Betsinzibulo tsindi, okhukamba amang'ana kobusubili nende akobwa tooto. Mboolanga akatooto, ne simbehanga tawe.

⁸Kho nzenyanga mbu mumbeka tsiosi abandu basaaye nibachinga amakhono amatsienukhu, abarali nelirima nende obuhingani.

⁹Khandi nyenyanga abakhasi balombe ebichendelwa biabwe mukhuria nende mubuchesi; barelomba nokhubasa liswi, netsahabu, nohomba alumasi, nohomba ebichendelwa ebiobukusi obutinyu tawe;

¹⁰nebutswa belombe nemilimo emilahi echibahelanga abakhasi abamuritsanga Nyasaye.

¹¹Abakhasi beke obuholelu nokhwetembelesia khwosi.

¹²Simbahuchil'langa okhwibaala nohomba okhuruka abasaatsa tawe; bakwana baholele.

¹³Okhuba Nyasaye yalomba Adamu olwokhuranga, kho olweinyuma nalomba Hawa;

¹⁴ne Adamu siyali okhukaatwa tawe, nebutswa omukhasi niye owali okhukaatwa ma nafunaka lilako lia Nyasaye.

¹⁵Nebutswa omukhasi alihonibwa mukhwibula abaana naba niyakhatsilil'la mubusubili nende mubuyanzi nobutsienukhu nende obuchesi.