Read lunyore 1 TIMOTEO 4 Bible Online

1 TIMOTEO 4 - lunyore bible

1 TIMOTEO 4

¹Omwoyo aboolanga habulafu mbu mumatukhu kesihesi abandu balala bakhalekhe obusubili bwabwe; bakhahulile amebaalo kemioyo chiokhukaata nibalonda amebaalo kebisieno.

²Amebaalo singa yaka kalandibwanga nabandu bokhubehelesia abamakani kabwe kafwa singa akasambilwe nesibia esihiiye pa.

³Abandu singa yabo bakayanga abandi okhuteesania nokhusuula ebiokhulia nalebe. Nebutswa Nyasaye niye owalomba ebiokhulia yibio mbu birumikhilwe inyuma wokhukhupa embwo ne yabo abasubilanga nibamanya akatooto.

⁴Siesindu esia Nyasaye yalomba nesilahi; sibulaho esinyala okhusuulwa, nisiba nisirumikhilwa nende okhuboola embwo.

⁵Okhuba sitsienulwanga neling'ana lia Nyasaye nokhusaaya.

⁶Noba nohaana amebaalo yaka khubasubili basio, wakhaba omurumikhi omulahi owa Yesu Kristo, owakhusibubwa khumang'ana kokhusubila, nokhubwibaali bwatooto obwa wali okhulonda.

⁷Nebutswa wehanye okhurula khutsingano etsibulamwo obunyasaye etsibula nobukhala bwosi. Wenasie obulamu bwokhuria Nyasaye obulahi.

⁸Okhunasia omubili khulimwo obukhala hatututu; nebutswa obulamu bwokhunasia omwoyo khuli nobukhala mutsinjila tsinyinji sichila khusubisianga obulamu obuliho luno, nende obulamu obwitsanga.

⁹Ling'ana yili neliokhusubilwa, elia abandu bosi bakwana okhuhuchil'la nokhusubila.

¹⁰Nisio esifune esichilanga nikhunyakhana okhukhola emilimo nikhureye khwo emioyo, sichila okhunaya khwefwe khuli mu Nyasaye olimwoyo, obetsanga Omuhonia wabandu bosi, ne okhusila muno noweyabo abasubilanga.

¹¹Amang'ana yaka olake, ma wibaale.

¹²Omundu wosi arakhuchaya sichila oli omubuukha tawe; nebutswa obe esilolelo khu yabo abasubilanga, mukhul'loma khukhwo, mutsifwo tsitsio singa omenyanga, mubuyanzi bubwo, mubusubili nende mubusiyikhu.

¹³Okhwola olwa ndakhetse, obukule obweyangu bubwo okhusoma Amahandiko Amatsienukhu imbeli wabandu, okhukamba nende okhwibaala.

¹⁴Olinde bulahi esihanwa siomwoyo esioli n'nasio, esiawahebwa olwa abaroobi bal'loma ma abakhulundu nibakhurakhwo amakhono.

¹⁵Obe nesinani khumang'ana yaka ma wehane kupu khuko; kho abandu bosi balole okhutsilil'la khukhwo habulafu.

¹⁶Welinde omwene khandi olinde obwibaali bubwo. Otsilil'le okhukhola amang'ana yaka, sichila nokhola mbwo wakhehonie omwene nende yabo abakhuhulilanga.