Read lunyore OKHUBISULA 8 Bible Online

OKHUBISULA 8 - lunyore bible

OKHUBISULA 8

¹Olwe Esimeme Sielikondi siaboholola esimanyilo sia khane nakhataru, khwaliho nobusiling'anu mwikulu oluhono oluhela enusu yesaa.

²Ma nindola abamalaika bane nabataru abasinjilanga imbeli wa Nyasaye nibahebwa tsinzika tsine natsitaru.

³Om'malaika undi owali nolutaabo lwokhusambilakhwo obwali bwetsahabu yetsa nasinjila halusambwa okhumeeta amasaayo kabandu ba Nyasaye bosi, nende okhubuhana khulusambwa lwetsahabu olwali imbeli woluruba.

⁴Omwosi kwobwali tsana kwatuuma halala namasaayo kabandu ba Nyasaye okhurula m'mukhono kwom'malaika owali imbeli wa Nyasaye.

⁵Om'malaika tsana nabukula olutaabo lwokhusambilakhwo obwali, niyetsusiakhwo omul'lo kwokhulusambwa, nafuuba khusibala. Ma khwaliho netsikhupa, nemioyo, netsimbeni nende okhutechela khwesibala.

⁶Abamalaika bane nabataru yabo abali netsinzika tsine natsitaru berechekha okhukhupa tsinzika.

⁷Om'malaika wokhuranga yakhupa olwika lulwe. Ma ifula yamachina nende omul'lo netsokan'nemwo amatsahi nesundulwa khusibala. Ne esitonye esinabitaru siesibala siahia, khandi esitonye esinabitaru esiemisaala, obunyasi obubisi bwosi bwahia.

⁸Om'malaika wakhabili nakhupa olwika lulwe. Ne esindu singa esikulu esikali esiatukhanga omul'lo nisifuubwa munyunza. Esitonye esinabitaru esie inyanza nisikwa amatsahi.

⁹Ne esitonye esinabitaru siebilombe ebiomunyanza nibifwa ne esitonye esinabitaru esia amaaro siasasibwa.

¹⁰Om'malaika wakhataru nakhupa olwika lulwe. Ne eyasulwe ingali niyatukhanga omul'lo singa esiyayi yahangulukha okhurula mwikulu nekwa khusitonye esinabitaru siemichela nende ebitaho biamaatsi.

¹¹Eyasulwe tsana elangwanga “Indul'lusia.” Esitonye esinabitaru siamaatsi siakwa esilulu p'pa; abandu abenji bafwa khulwa amaatsi tsana, sichila kakalukhana nikakwa amalulu.

¹²Om'malaika wakhane nakhupa olwika lulwe. Esitonye esinabitaru esie eliuba nende esiomwesi nende esietsiyasulwe siakhupakwa, ma obulafu bwabio nibukosia esitonye esinabitaru siokhwakha khwabio. Esitonye esinabitaru siom'basu nisimwama sila okhwakha, kata nende esio obutukhu khandi mbwo.

¹³Olwa ndahenga, ndahulila inditsu ndala nepulukha ikulu okhusila neboola nomwoyo omukali, “Balitsiboolelwa, balitsiboolelwa, balitsiboolelwa yabo abamenyanga khusibala olwa abamalaika basikaye bataru balakhupa tsinzika tsiabwe!”