Read luo 1 Weche mag Ndalo 2 Bible Online

1 Weche mag Ndalo 2 - luo bible

1 Weche mag Ndalo 2

¹Yawuot Israel ne gin Reuben gi Simeon gi Lawi gi Juda gi Isaka gi Zebulun

²gi Dan gi Josef gi Benjamin gi Naftali gi Gad kod Asher.

³Yawuot Juda ma od Bath-shua nyar Kanaan ne gin Er gi Onan kod Shela. To timbe Er, wuod Juda makayo, ne richo e nyiom Ruoth Nyasaye, mi Ruoth Nyasaye nonege.

⁴Bang’e Juda nonywolo yawuowi moko ariyo gi Tamar chi wuodeno, ma nyinggi Perez gi Zera. Koro yawuot Juda duto ne abich.

⁵Yawuot Perez ne Hezron gi Hamul.

⁶Zera ne nigi yawuowi abich. Ne gin Zimri gi Ethan gi Heman gi Kalkol kod Dara.

⁷ Wuod Karmi ne en Akan, ma nokelo ni jo-Israel chandruok nikech noketho, kokawo gima ochiw ni Ruoth Nyasaye.

⁸Wuod Ethan ne en Azaria.

⁹Yawuot Hezron ne gin Jerameel gi Ram kod Kaleb.

¹⁰Ram nonywolo Aminadab, to Aminadab nonywolo Nashon mane jaduong’ jo-Juda.

¹¹Nashon nonywolo Salmon, to Salmon nonywolo Boaz.

¹²Boaz nonywolo Obed, to Obed nonywolo Jesse.

¹³Jesse nonywolo Eliab wuode makayo, gi Abinadab, wuode mar ariyo, gi Shimea, wuode mar adek,

¹⁴gi Nethaneel, wuode mar angg’wen, gi Radai wuode mar abich,

¹⁵Gi Ozem, wuode mar auchiel, gi Daudi wuode mar abiriyo.

¹⁶Nyiminegi ne Zeruya gi Abigail. Zeruya ne nigi yawuowi adek: Abishai gi Joab kod Asahel.

¹⁷Abigail mane chi Jather Ja-Ishmael, nonywolo Amasa.

¹⁸Kaleb wuod Hezron ne nigi dhako ma nyinge Azuba. Azuba nonywolo Jerioth gi Jesher gi Shobab kod Ardon.

¹⁹Kane Azuba osetho, Kaleb nokendo Efrath, mane ginywologo Hur.

²⁰Hur nonywolo Uri, to Uri nonywolo Bezalel.

²¹Kane Hezron jahigni piero auchiel, nokendo nyar Makir wuon Gilead. Chiegeno nonywolo Segub,

²²to Segub nonywolo Jair mane nigi mier piero ariyo gadek e piny Gilead.

²³To Geshur kod Aram nomayogi Havoth-jair, gi Kenath kod mier matindo mokiewo kode, duto mier piero auchiel. Jogo duto ne nyikwa Makir wuod Gilead.

²⁴Kane Hezron osetho, Kaleb notero Efratha chi Hezron wuon mare, mi ne ginywologo Ashur wuon Tekoa.

²⁵Jerameel ne kach Hezron, to yawuot Jerameel ne gin Ram, wuode makayo, gi Buna gi Oran gi Ozem kod Ahija.

²⁶Jerameel ne nigi dhako machielo ma nyinge Atara, ma nonywolone Onam.

²⁷Ram ma wuod Jerameel makayo nonywolo Maaz gi Jamin kod Eker.

²⁸To yawuot Onam ne Shamai gi Jada. To yawuot Shamai ne Nadab gi Abishur.

²⁹Chi Abishur mane nyinge Abihail nonywolo Aban gi Molid.

³⁰Yawuot Nadab ne Seled gi Apaim, to Seled notho maonge nyathi.

³¹Apaim nonywolo Ishi, to Ishi nonywolo Sheshan, to Sheshan nonywolo Alahi.

³²Yawuot Juda ma omin Shamahi ne Jether gi Jonathan. Jether notho maonge nyathi,

³³to yawuot Jonathan ne Pelleth gi Zaza. Jogo duto ne joka Jerameel.

³⁴Sheshan ne onge gi yawuowi, to nonywolo mana nyiri kende, to ne en gi misumba ma ja-Misri ma nyinge Jerha.

³⁵Jali ema Sheshan nomiyo nyare mokendo, mi ne ginywolo wuowi ma nyinge Atai.

³⁶Atai nonywolo Nathan, to Nathan nonywolo Zabad.

³⁷Zabad nonywolo Eflal, to Eflal nonywolo Obed.

³⁸Obed nonywolo Jehu, to Jehu nonywolo Azaria.

³⁹Azaria nonywolo Helez, to Helez nonywolo Eleasa.

⁴⁰Eleasa nonywolo Sismai, to Sismai nonywolo Shalum.

⁴¹Shalum nonywolo Jekamia, to Jekamia nonywolo Elishama.

⁴²Kaleb omin Jerameel, nonywolo Mesha wuode makayo, to Mesha nonywolo Zif. Zif nonywolo Meresha, to Meresha nonywolo Hebron.

⁴³Yawuot Hebron ne gin Kora gi Tapua gi Rekem kod Shema.

⁴⁴Shema nonywolo Raham, to Raham nonywolo Jorkeam. Rekem nonywolo Shamai,

⁴⁵to Shamai nonywolo Maon. Maon to nonywolo Bethzur.

⁴⁶Chi kaleb moro, ma nyinge Efa, nonywolo Haran gi Moza kod Gazez. To Haran nonywolo Gazez.

⁴⁷Yawuot jadai ne gin Regem gi Jothan gi Geshan gi Pelet gi Efa kod Shaaf.

⁴⁸Maaka, ma bende chi Kaleb nonywolo Sheber gi Tirhana,

⁴⁹gi Shaaf, kod Sheva. Shaaf ne wuon Madmana, to Sheva ne wuon Makbena gi Gibea, Bende Kaleb ne nigi nyako ma nyinge Aksa.

⁵⁰Jogo duto ne joka Kaleb. To joka Hur e magi: Hur, wuod Efratha makayo, nonywolo Shobal wuon Kiriath-jearim,

⁵¹gi Salma wuon Bethlehem, kod Haref wuon Beth-gader.

⁵²Shobal wuon Kiriath-jearim nonywolo Reaya, kendo ne en kwar joka Manahath joka Manahath.

⁵³Jo-Kiriath-jearim ne gin jo-Ithri gi jo-Pu gi jo-Shuma, kod jo-Mishra. Jo-Zora gi jo-Eshtaol nowuok kuom ogendnigo.

⁵⁴Joka Salma ne gin jo-Bethlehem gi jo-Metofa gi jo-Atroth-beth-joab gi joka Manahath modong’, gi jo-Zor

⁵⁵gi dhout jondiko ma nodak Jabez, gi jo-Tira gi jo-Shimea kod jo-Suka. Jogi ne jo-Keni ma kwargi ne or joka Rekab.