Read luo 1 Weche mag Ndalo 20 Bible Online

1 Weche mag Ndalo 20 - luo bible

1 Weche mag Ndalo 20

¹ E ndalo chakruok oro, mane ruodhi thoro wuokie kadhi kedo, Joab nowuok gi jolwenje, mogoyo jo-Amon asasa. Ne gichopo Raba, kendo ne gilwore, to Daudi nodong’ Jerusalem. Joab noloyo Raba, moketho chuth.

²To Daudi nogolo osimbo ewi Milkom ma nyasach jo-Amon, mi nosidhe e wiye owuon. Pek mar dhahabu molosego noromo kilo piero adek, kendo kidi ma nengone tek ne ochom kuome. Bende Daudi noyako gik mathoth e dalano,

³kendo nodaro joma odakie, moketo e tich payo bao gi kunyo kite kod tong’o yien. Kamano e kaka Daudi notimo ni miech jo-Amon duto. Eka nodok Jerusalem gi joge duto.

⁴Bang’ mano, lweny nowuok Gezer e kind jo-Israel gi jo-Filistia, to jo-Israel noloyo jo-Filistia. E lwenyno, Sibekai ja-Husha nonego Saf, ma ja-Refaim.

⁵ Lweny nowuok kendo e kindgi gi jo-Filistia, mi Elhanan wuod Jakir nonego Lami owadgi Goliath ma ja-Giti, ma bond tong’e ne chalo lodi.

⁶Lweny nochako owuok Gath, kama ne nitie ng’at ma gana marabora man gi lith lwedo auchiel gi lith tielo auchiel koni gi koni, duto piero ariyo gang’wen. Jalo bende ne ja-Refaim.

⁷To kane othiano ni jo-Israel, Jonathan wuod Shimea owadgi Daudi nonege.

⁸Jogo duto ne jo-Refaim, to Daudi gi joge nonegogi duto.