Read luo 1 Weche mag Ndalo 25 Bible Online

1 Weche mag Ndalo 25 - luo bible

1 Weche mag Ndalo 25

¹Daudi gi jodonge nowalo yawuot Asaf gi yawuot Heman gi yawuot Jeduthun ni tich lemo, mondo gikor wach ka gigoyo thumbe gii nyigwerni kod ongeng’o. Joma nomi tijno e magi:

²Yawuot Asaf ne gin Zakur, gi Josef gi Nethania kod Asarela. Jatendgi ne Asaf mane jakor wach ni ruoth.

³Yawuot Jeduthun ne gin Gedalia gi Izri gi Isaya gi Shimei gi Hashabia kod Matithia. Jatend ji auchielgo ne Jeduthun wuon-gi, mane koro wach ka gigoyo thum, kendo ka gigoyo ni Ruoth Nyasaye erokamano ka gipake.

⁴Yawuot Heman janen mar ruoth, ne gin Bukia gi Natania gi Uziel gi Shubael gi Jerimoth gi Hanania gi Hanani gi Eliatha gi Gidalti gi Romamti-ezer gi Joshbekasha gi Malothi gi Hothir kod Mahazioth.

⁵Jogo duto ne yawuot Heman mane Nyasaye omiye mondo opakego, kaka nosesingore. Nyasaye nomiyo Heman yawuowi apar gang’wen kod nyiri adek,

⁶to giduto ne gikonyo wuon-gi wer e Od Ruoth Nyasaye e kinde mag lemo. To Daudi owuon ema ne chiko Asaf gi Jeduthun kod Heman e tijegi.

⁷Jogo duto, kaachiel gi owetegi ma nolony kuom wer ni Ruoth Nyasaye, ne gin mia ariyo gi piero aboro,

⁸ne gipogo tijgi gi ombulu, kendo ne giwer ka gikikore, jomadongo gi jomatindo, molony kod mapuonjore kaachiel.

⁹Joma noyier gi ombulu ne magi: Mokwongo ne Josef,

¹⁰mar ariyo Gedalia,

¹¹mar adek Zakur, mar ang’wen Izri,

¹²mar abich Nethani,

¹³mar auchiel Bukia,

¹⁴mar abiriyo Asarela,

¹⁵mar aboro Isaya,

¹⁶mar ochiko Matania,

¹⁷mar apar Shimei,

¹⁸mar apar gachiel Azareel,

¹⁹mar apar gariyo Hashabia,

²⁰mar apar gadek Shubael,

²¹mar apar gang’wen Matithia,

²²mar apar gabich Jeremoth,

²³mar apar gauchiel Hanania,

²⁴mar apar gabiriyo Joshbekasha,

²⁵mar apar gaboro Hanani,

²⁶mar apar gochiko Malothi,

²⁷mar piero ariyo Eliatha,

²⁸mar piero ariyo gachiel Hothir,

²⁹mar piero ariyo gariyo Gidalti,

³⁰mar piero ariyo gadek Mahazioth,

³¹to mar piero ariyo gangwen Romamti-ezer. Jogo duto ombulu ema noyiero. Ng’ato ka ng’ato kuomgi ne nigi ji apar gariyo ma yawuote kata owetene.