Read luo 1 Weche mag Ndalo 27 Bible Online

1 Weche mag Ndalo 27 - luo bible

1 Weche mag Ndalo 27

¹Koro magi e nying jo-Israel mane rito migepe apar gariyo mane tiyo tich Ruoth duto, ka giwilore due ka due e higa ngima. Ne gin jodong dhoudi gi jotend ogend lweny madongo gi matindo, kaachiel gi jondiko maggi. Migawo ka migawo ne nigi ji alufu piero ariyo gang’wen.

²Jotelo mokwongo ne Jeshobeam wuod Zabdiel ma notiyo e due mokwongo.

³Ne en nyakwar Perez, kendo ne en jatend jodong lweny duto e due mokwongo.

⁴To Eleazar wuod Doidai ja-Ahohi ema notelo e due mar ariyo.

⁵Jatelo mar adek ne en Benaya jatend ogend lweny, ma wuod Jehoyada jadolo maduong’.

⁶Benaya nogo ne en achiel kuom thuondi piero adek kande, kendo ne en jatendgi. To Amizabad wuode ema norito migape.

⁷Jatelo mar due mar ang’wen ne en Asahel omin Joab. Bang’ thone, Zebadia wuode nokawo kare.

⁸Jatelo mar due mar abich ne en Shamhuth jaka Zera.

⁹Jatelo mar due mar auchiel ne en Ira wuod Ikesh ja-Tekoa.

¹⁰Jatelo mar due mar abiriyo ne en Helez ja-Pelon ma ja-Efraim.

¹¹Jatelo mar due mar aboro ne en Sibekai jaka Zera, ma ja-Husha.

¹²Jatelo mar due mar ochiko ne en Abiezer ja-Anathoth manie piny Benjamin.

¹³Jatelo mar due mar apar ne en Maharai jaka Zera, ma ja-Netofa.

¹⁴Jatelo mar due mar apar gachiel ne en Benaya ja-Pirathon manie piny Efraim.

¹⁵To jatelo mar due mar apar gariyo ne en Heldai jaka Othniel ma ja-Netofa. Jotelogo duto ne tiyo due achiel achiel, kendo ng’ato ka ng’ato ne nigi migawo moromo ji alufu piero ariyo gang’wen.

¹⁶Jotend dhout Israel nene e magi: Kuom jo-Reuben, Eliezer wuod Zikri ne jatelo, to kuom jo-Simeon, jatelo ne Shefatia wuod Maaka.

¹⁷Kuom jo-Lawi ne ne Hashabia wuod Kemuel. Kuom joka Harun ne en Zadok.

¹⁸Kuom jo-Juda ne en Elihu ma wat Daudi. Kuom jo-Isakar ne en Omri wuod Mikael.

¹⁹Kuom jo-Zebulun ne en Ishmaya wuod Obadia. Kuom jo-Naftali ne en Jerimoth wuod Azriel.

²⁰Kuom jo-Efraim ne en Hoshea wuod Azazia. Kuom jo-Manase konchiel ne en Joel wuod Pedaya,

²¹to kuom jo-Manase komachielo ma nodak Gilead, jatelo ne en Ido wuod Zekaria. Kuom jo-Benjamin ne en Jaasiel wuod Abner.

²²To kuom jo-Dan ne en Azareel wuod Jeroham. Mago e kar romb jotend dhout Israel.

²³ Daudi ne ok okwano joma hikgi pok ochopo piero ariyo, nikech Ruoth Nyasaye nosesingore ni nomi jo-Israel bedo mang’eny ka sulue mae polo.

²⁴ Joab wuod Zeruya nochako kweno, to ne ok otieko. Kwenono nokelo mirimb Nyasaye kuom jo-Israel, omiyo ne ok ondik kar rombgi e Kitap Weche mag Ndalo mag loch ruoth Daudi.

²⁵Azmoth wuod Adiel ne jarit kuonde keno mag ruoth. Jonathan wuod Uzia to ne rito kuonde keno manie mier madongo gi matindo, kendo e miech lweny mochiel gi ohinga.

²⁶Ezri wuod Kelub to ne rito jotich puodho.

²⁷Shimei ja-Rama to ne rito jotich puothe mag mzabibu, to Zabdi ja-Shefem ne rito olemb mzabibu milosogo divai.

²⁸Baal-hanan ja-Geder ne rito yiend zeituni gi ng’owo mae pewe. Joash to ne rito udi mikanoe mo.

²⁹Shitrai ja-Sharon ne jarit kweth dhok mane kwayo Sharon, to Shafat wuod Adlai ne rito mago mane kwayo e holni.

³⁰Obil ja Ishmael ne jakwath ngamia, to Jedaya ja-Meronoth ne jarit kenje.

³¹Jaziz ja-Hagar ne jarit jamni matindo.

³²Jehiel ja-Hakmon, gi Jonathan owadgi wuon Daudi ma jabura mariek kendo mosomo, ema nopuonjo yawuot Daudi.

³³Ahithofel ne jabuch ruoth, to Hushai ja-Arki ne osiep ruoth.

³⁴Bang’ tho Ahithofel, Jehoyada wuod Benaya kod Abiathar ne jokawo kare. To Joab ne jaduong’ jolweny.