Read luo 1 Weche mag Ndalo 4 Bible Online

1 Weche mag Ndalo 4 - luo bible

1 Weche mag Ndalo 4

¹Joka Juda ne Perez gi Hezron gi Karmi gi Hur kod Shobal.

²Reaya wuod Shobal nonywolo Joath, to Joath nonywolo Ahumai gi Lahad. Giduto ne gin joka Hora.

³Yawuot Etam ne gin Jezreel gi Ishama kod Idbash. Ne gin gi nyamingi ma nyinge Hazelelponi.

⁴Penuel ne wuon Gedor. Ezer ne wuon Husha. Ne gin joka Hur wuod Efratha makayo ma wuon Bethlehem.

⁵Ashur wuon Tekoa ne nigi mon ariyo ma nyinggi Hela gi Naara.

⁶Naara nonywolo Ahuram gi Hefer kod jo-Timni gi jo-Ahashtar. Mago ne joka Naara.

⁷To yawuot Ela ne Zereth gi Zoar gi Ethman kod Koz.

⁸Koz nonywolo Adub gi Zobeba kod joka Aharhel wuod Harun.

⁹Jabez ne ng’at marahuma moloyo owetene duto. Min mare nochake ni Jabez nikech nonywole gi rem malit.

¹⁰Jabez nokwayo Nyasach Israel niya, “Yie igwedha, kendo imed mbap pinya, bende lweti orita mondo kik gima rach hinya.” Mi Nyasaye nomiye gima nokwayono.

¹¹Kelub owadgi Shua nonywolo Mehir ma wuon Eshton.

¹²Eshton nonywolo Efratha gi Pasea kod Tehina wuon Irnahash. Jogo duto ne joka Reha.

¹³Yawuot Kenaz ne Othniel gi Seraya, to yawuot Othniel ne Hathath gi Meonithia.

¹⁴Meonithia nonywolo Ofra, to Seraya nonywolo Joab ma wuon jo-Geharashim. Ne ochakgi nyingno nikech ne gin jopa bao.

¹⁵Yawuot Kaleb wuod Jefune ne gin Iru gi Ela kod Naam, to wuod Ela ne Kenaz.

¹⁶Yawuot Jehalelel ne Zif gi Zifa gi Tiria kod Asarel.

¹⁷Ywuot Ezra ne Jether, gi Mered gi Efer kod Jalon. Mered nokendo Bithia nyar Farao mi Bithia nonywolo Miriam gi Shamai kod Ishba ma wuon Eshtemoa.

¹⁸Chi Mered ma nyar Yahudi nonywolo Jared wuon gedor, gi Heber wuon Soko, kod Jekuthiel wuon Zanoa.

¹⁹Yawuot Hodia ma od nyamin Naam ne Keila ja-Garbi, kod Eshtemoa ja Maaka.

²⁰Yawuot Shimon ne gin Amnon gi Rina gi Ben-hanan kod Telon. Yawuot Ishi ne Zoheth gi Ben-zoheth.

²¹Joka Shela wuod juda ne gin Er wuod Leka, gi Laada wuon Maresha, gi dhout jotueng’o ma nodak Bethashbea

²²Gi Jokim gi jo-Kozeba gi Joash kod Saraf ma nochwanyore gi jo-Moab modok Bethlehem. (Wechegi nondik chon ahinya.)

²³Jogo ne jochue agulini. Ne gidak Nataim gi Gedara, ka gitiyo ni ruoth.

²⁴Yawuot Simeon ne gin Nemuel gi jamin gi Jarib gi Zera kod Shaul.

²⁵Shaul nonywolo Shalum, to Shalum nonywolo Mibsam, to mibsam nonywolo Mishma.

²⁶To joka Mishma e magi: Mishma nonywolo hemuel, to hemuel nonywolo Zakur. Zakur to nonywolo Shimei.

²⁷Shimei nonywolo yawuowi apar gauchiel kod nyiri auchiel, to owetene ne ok ne nigi nyithindo mang’eny kamano, kendo dhoodgi ne ok onya kaka jo-Juda.

²⁸ Ne gidak beer-sheba gi Molada gi Hazarshual

²⁹gi Bilha gi Ezem gi Tolad

³⁰gi Bethuel gi Horma gi Ziklag

³¹gi Bethmarkaboth gi Azar-susim gi beth-biri, kod Shaaraim. Mago ne miechgi nyaka chop ndalo loch Daudi.

³²Miechgi abich mamoko ne gin Etam gi Ain gi Rimon gi Token kod Ashan,

³³kaachiel gi mier mokiewo kodgi nyaka Baalath. Mago kuonde mane gidakie. Nyinggi mane ondik ne gin

³⁴Meshobab gi Jamlek gi Josha ma wuod Amazia

³⁵gi Joel gi Jehu wuod Josibia ma wuod Seraya ma wuod Asiel,

³⁶gi Elioenai gi Jaakoba gi Jeshohaya gi Asaya gi Adiel gi Jesimiel gi Benaya

³⁷gi Ziza wuod Shifi ma wuod Alon ma wuod Jedaya ma wuod Shimri ma wuod Shemaya.

³⁸Jogo duto ne jodong dhoudi, kendo dhoutgi nonya ahinya.

³⁹Ne gia kama idonjogo Gedor, yo wuok chieng’ mar holo, ka gidwaro lek ni jambgi.

⁴⁰Mi ne ginwang’o lege momew kendo mabeyo. Pinyno ne lach ahinya. Jo-Ham ema nokwongo dakie.

⁴¹Joma nyinggi osendikgo nochopo kuno e ndalo Hezekia ruodh Juda. Ne giketho hemb jo-Ham kod jo-Maun, mane giyudo kuno kendo ne ginegogi duto, ma pok ndachgi oneno nyaka chil kawuono. Piny nokue, kendo oboch, mi ne gidak e pinyno, nikech ne nitie lek ni jambgi.

⁴²To ji mia abich kuom jo-Simeon nodhi nyaka got Seir. Jotendgi ne Pelatia gi Nearia gi Refaya kod Uziel, ma yawuot Ishi.

⁴³Ne ginego jo-Amalek modong’ kendo pod gidak kuno nyaka chil kawuono.