Read luo 1 Weche mag Ndalo 6 Bible Online

1 Weche mag Ndalo 6 - luo bible

1 Weche mag Ndalo 6

¹Yawuot Lawi ne gin Garshon gi Kohath kod Merari.

²Yawuot Kohath ne gin Amram gi Izhar gi Hebron gi Uziel.

³To yawuot Amram ne Harun gi Nadab gi Abihu gi Eleazar kod Ithamar.

⁴Eleazar nonywolo Finehas to Finehas nonywolo Abishua.

⁵Abishua nonywolo Buki, to Buki nonywolo Uzi.

⁶Uzi nonywolo Zerahia. To Zerahia nonywolo Merayoth.

⁷Merayoth nonywolo Amaria, to Amaria nonywolo Ahitub.

⁸Ahitub nonywolo Zadok, to Zadok nonywolo Ahimaaz.

⁹Ahimaaz nonywolo Azaria, to Azaria nonywolo Johanan.

¹⁰Johanan nonywolo Azaria, mane jadolo e Hekalu mane Solomon ogero Jerusalem.

¹¹Azaria nonywolo Amaria, to Amaria nonywolo Ahitub,

¹²Ahitub nonywolo Zadok, to Zadok nonywolo Shalum.

¹³Shalum nonywolo Hilkia to Hilkia nonywolo Azaria.

¹⁴Azaria nonywolo Seraya, to Seraya nonywolo Jehozadak.

¹⁵Kane Nyasaye omiyo Nebukadnezar odaro jo-Juda gi jo-Jerusalem koterogi Babulon e tuech, Jehozadak bende noter kodgi.

¹⁶ Yawuot Lawi ne gin Gershon gi Kohath kod Merari.

¹⁷Yawuot Gershon ne Libna gi Shimei.

¹⁸To yawuot Kohath ne gin Amram gi Izhar gi Hebron kod Uziel.

¹⁹To yawuot Merari ne Mali gi Mushi. Dhout jo-Lawi, kaluwore gi kweregi e magi:

²⁰Joka Gershon: Nonywolo Libni, to Libni nonywolo Jahath. Jahath nonywolo Zima,

²¹to Zima nonywolo Joa. Joa nonywolo Ido, to Ido nonywolo Zera, to Zera nonywolo Jeatherai.

²²Joka Kohath e magi: Kohath nonywolo Abinadab, to Abinadab nonywolo Kora. Kora nonywolo Asir.

²³To Asir nonywolo Elkana, Elkana nonywolo Ebiasaf, to Ebiasaf nonywolo Asir.

²⁴Asir nonywolo Tahath, to Tahath nonywolo Uriel. Uriel nonywolo Uzia, to Uzia nonywolo Shaul.

²⁵Yawuot Elkana ne Amasai gi Ahimoth.

²⁶Ahimoth nonywolo Zofia, to Zofia nonywolo Nahath.

²⁷Nahath nonywolo Eliab, to Eliab nonywolo Jeroham, to Jeroham nonywolo Elkana.

²⁸Wuod Samuel makayo ne Josef, to jalupne ne Abija.

²⁹Joka Merari e magi: Merari nonywolo Mali, to Mali nonywolo Libni, to Libni nonywolo Shimei to Shimei nonywolo Uza.

³⁰Uza nonywolo Shimea, to Shimea nonywolo Hagia, to Hagia nonywolo Asaya.

³¹Daudi noyiero jo-Lawi moko mondo obed jotend wer, chieng’ mane Sanduk okan e Od Ruoth Nyasaye.

³²Ne giwer e nyim Hemb Romo nyaka Solomon notieko gero Hekalu mar Ruoth Nyasaye Jerusalem, kendo ne gitiyo tijegi kaka nochanegi.

³³Jower kaachiel gi yawuotgi e magi: Kuom joka Kohath, jatend wer ne en Heman ma jathum, ma wuod Joel, wuod Samuel,

³⁴wuod Elkana, wuod Jeroham, wuod Eliel, wuod Toa,

³⁵wuod Zuf, wuod Elkana, wuod Mahath, wuod Amasai,

³⁶wuod Elkana, wuod Joel, wuod Azaria, wuod Zefania,

³⁷wuod Tahath, wuod Asir, wuod Ahiasaf, wuod Kora,

³⁸wuod Izhar, wuod Kohath, wuod Lawi, wuod Israel.

³⁹Jalup Heman ne Asaf omin mare, mane ochung’ e bade korachwich. Asaf ne wuod Berakia, ma wuod Shimea,

⁴⁰wuod Mikael, wuod Baaseya, wuod Malkija,

⁴¹wuod Ethni, wuod Zera, wuod Adaya,

⁴²wuod Ethan, wuod Zima, wuod Shimei,

⁴³wuod Jahath, wuod Gershon, wuod Lawi.

⁴⁴Joka Merari nochung’ yo koracham. Jatendgi ne en Ethan wuod Kishi, ma wuod Abdi, wuod Maluk,

⁴⁵wuod Ashabia, wuod Amazia, wuod Hilkia,

⁴⁶wuod Amzi, wuod Bani, wuod Shemer,

⁴⁷wuod Mali, wuod Mushi, wuod Merari, wuod Lawi.

⁴⁸Jowetegi ma jo-Lawi nomi tije duto mag Od Ruoth Nyasaye.

⁴⁹To Harun gi dhoode ema ne tiyo tije duto mag Kama Ler Moloyo, kaka Musa jatich Nyasaye nochiko. Ne gitimo misango e kendo-mar-misango, kendo ne giwang’o ubani e kendo mar ubani, kendo ne gitimo misango migologo richo mag jo-Israel.

⁵⁰Joka Harun e magi: Harun nonywolo Eleazar, to Eleazar nonywolo Finehas. Finehas nonywolo Abishua,

⁵¹to Abishua nonywolo Buki, Buki nonywolo Uzi. To Uzi nonywolo Zerahia.

⁵²Zerahia nonywolo Merayoth, to Merayoth nonywolo Amaria, to Amaria nonywolo Ahitub,

⁵³to Ahitub nonywolo Zadok, to Zadok nonywolo Ahimaaz.

⁵⁴Koro magi e kuonde dak kod gwenge mane omi joka Harun, kane ogo ombulu. Nyikwa Harun ma joka Kohath

⁵⁵ema nomi Hebron e piny Juda kaachiel gi lege mokiewogo.

⁵⁶To puothe gi mier matindo mag Hebron nomi Kaleb wuod Jefune.

⁵⁷Joka Harun nomi Hebron, dala ma ng’at moneko nyalo tonyie, gi Libna gi Jatir gi Eshtomoa

⁵⁸gi Hilen gi Debir

⁵⁹gi Ashan kod Beth-shemesh, kaachiel gi legegi.

⁶⁰To e piny Benjamin joka Harun noyudoe Geba gi Alemeth koth Anathoth, dala ka dala gi legene. Kamano joka Harun noyudo mier apar gadek.

⁶¹Joka Kohath moko noyudo mier apar mane opognigi kogo ombulu e piny mane jo-Manase konchiel odakie.

⁶²Joka Gershon noyudo mier apar e pinje mag jo-Isakar gi jo-Aser gi jo-Naftali kod jo-Manase ma nodak e piny Bashan.

⁶³Joka Merari noyudo mier apar gariyo e pinje mag jo-Reuben gi jo-Gad kod jo-Zebulun.

⁶⁴Miergo, kaachiel gi legegi ema ne jo-Israel omiyo jo-Lawi kogo ombulu,

⁶⁵mana kaka jo-Juda gi jo-Simeon kod jo-Benjamin bende nomiyogi mier mosekwan malogo.

⁶⁶Dhout jo-Kohath moko noyudo mier kuom jo-Efraim.

⁶⁷Ne gin Shekem, dala ma ng’at moneko nyalo tonyie, manie piny gode mag Efraim, kod Gezer

⁶⁸gi Jokmeam gi Beth-horon

⁶⁹gi Aijalon kod Gath-rimon kaachiel gi legegi.

⁷⁰Jo-Kohath modong’ noyudo Aner gi Bileam kod legegi e piny mane jo-Manase konchiel odakie.

⁷¹Joka Gershon noyudo Golan manie piny Bashan gi legene kod Ashtaroth bende gi legene e piny mane jo-Manase komachielo odakie.

⁷²To e piny Isakar ne giyudoe Kedesh gi Daberath

⁷³gi Ramoth kod Anem, kaachiel gi legegi.

⁷⁴To e piny Asher ne giyudoe Mashal gi Abdon

⁷⁵gi Hukok kod Rekob, kaachiel gi legegi.

⁷⁶To e piny Naftali ne giyudoe Kedesh-galili, gi Hamon kod Kiriathaim, kaachiel gi legegi.

⁷⁷Joka Merari modong’ noyudo Rimona gi Tabor, kaachiel gi legegi e piny Zebulun.

⁷⁸To e piny Reuben man yo wuok chieng’ loka Jordan, momanyore gi Jeriko, ne giyudoe Bezer manie thim, kod Jaza,

⁷⁹gi Kedemoth kod Mefaath, kaachiel gi legegi.

⁸⁰To e piny Gad ne giyudoe Ramoth-gilead gi Mahanain

⁸¹gi Heshbon kod Jazer, kaachiel gi legegi.