Read luo 1 Weche mag Ndalo 7 Bible Online

1 Weche mag Ndalo 7 - luo bible

1 Weche mag Ndalo 7

¹Isakar ne nigi yawuowi ang’wen. Ne gin Tola gi Pua gi Joshub kod Shimron.

²To Tola nonywolo Uzi gi Refaya gi Jeriel gi Jamai gi Ibsam kod Shemuel. Ne gin jotend joka Tola, kendo ne gin thuondi marateke e ndalogi. E ndalo Daudi kwan-gi ne romo ji alufu piero ariyo gi mia auchiel.

³Uzi nonywolo Izrahia, to Izrahia nonywolo Mikael gi Obadia kod Joel.

⁴Jodongo abichgo ne nigi mon gi nyithindo mang’eny. Omiyo jolwenjgi ne romo alufu piero adek gauchiel, mane ochan e monje kaka dhoutgi obet.

⁵To jowetegi ma jo-Isakar ne romo ji alufu piero aboro gabiriyo. Giduto ne gin thuondi marateke, kendo joka kwaro.

⁶Benjamin nonywolo yawuowi adek. Ne gin Bela gi Beker kod Jediael.

⁷To Bela nonywolo yawuowi abich, ma gin Ezbon gi Uzi gi Uziel gi Jerimoth kod Iri. Ne gin jotend dhoutgi, kendo thuondi marateke. Ne gitelo ni jolweny alufu piero ariyo gariyo kod piero adek gang’wen ma joka kwaro.

⁸Joka Beker ne gi Zemira gi Joash gi Eliezer gi Elioenai gi Omri gi Jeromoth gi Abija gi Anathoth kod Alemeth.

⁹Mago e kar romb joka Beker. Ne gin jotend dhoutgi, kendo thuondi marateke. Ne gitelo ni jolweny alufu piero ariyo gi mia ariyo, ma joka kwaro.

¹⁰Jediael nonywolo Bilhan, to Bilhan nonywolo Jeush gi Benjamin gi Ehud gi Kenaana gi Zethan gi Tarshish kod Ahishahar.

¹¹Jogo duto ne joka Jadiael, kendo ne gin jotend dhoutgi. Ne gin gi jolweny marateke alufu apar gabiriyo gi mia ariyo motiegore ni lweny.

¹²Jo Dan ne gin Hushim ma wuode, gi yawuot Aher.

¹³Yawuot Naftali ne gin Jaziel gi Guni gi Jazer kod Shalum. Jogo duto ne gin joka Bilha.

¹⁴Manase ne nigi dhako ma nyar Aram mane onywolo Makir, wuon Gilead.

¹⁵Makir nokendo nyako ma nyinge Maaka. Wuod Manase mar ariyo ne Zelofehad, to Zelofehad nonywolo mana nyiri.

¹⁶Maaka chi Makir nonywolo wuowi, mochako ni Peresh, to nying owadgi Peresh ne Sheresh. Sheresh nonywolo Ulam gi Rekem.

¹⁷To Ulam nonywolo Bedan. Jogo duto ne joka Gilead, wuod Makir, ma wuod Manase.

¹⁸Gilead ne nigi nyamin mare ma nyinge Hamoleketh, ma nonywolo Ishdod gi Abiezer kod Mala.

¹⁹Yawuot Shemida ne gin Abihan gi Shekem gi Liki kod Aniam.

²⁰Jo-Efraim e magi: Efraim nonywolo Shuthela, to Shuthela nonywolo Bered. Bered nonywolo Tahath, to Tahath nonywolo Eleada. To Eleada nonywolo Tahath,

²¹to Tahath nonywolo Zabad, to Zabad nonywolo Shuthela. Yawuot Efraim moko ne gin Ezer gi Elead, mane jo-Gath onego kodhi peyo jamni.

²²Efraim wuon-gi noywak ndalo mathoth nyaka owetene nobiro mondo okue chunye.

²³Bang’e Efraim noriwore gi chiege, monywolo wuowi. Nochake ni Beria, (tiende ni, masira), nikech ode noseyudo masira.

²⁴Ne en gi nyako ma nyinge Sheera, ma nogero Beth-horon mamalo kod Uzen-sheera.

²⁵Beria nonywolo Refa, to Refa nonywolo Reshef. Reshef nonywolo Tela, to Tela nonywolo Tahan.

²⁶Tahan nonywolo Ladan. Ladan nonywolo Amihud. Amihud nonywolo Elishama,

²⁷to Elishama nonywolo Nun, to Nun nonywolo Joshua.

²⁸Lopgi gi miechgi ne Bethel gi mier matindo mokiewo kode, kaachiel gi Naaran man yo wuok chieng’. To yo podho chieng’ ne gin gi Gezer gi Shekem gi Aya, kod mier matindo mokiewo kodgi.

²⁹To jo-Manase ne nigi Beth-shean gi Taanak gi Megido kod Dor gi mier matindo mokiewo kodgi. Ji duto ma nodak e miergo ne nyikwa Josej wuod Israel.

³⁰Jo Asher e magi: Asher nonywolo Imna gi Isva gi Ishvi gi nyamin-gi ma nyinge Sera.

³¹Yawuot Beria ne gin Heber gi Malkiel. Malkiel nonywolo Birzaith,

³²to Heber nonywolo Jaflet gi Shomer gi Hotham kod Shua ma nyamin-gi.

³³Yawuot Jaflet ne gin Pasak gi Bimhal kod Ashvath. Mago e kar romb yawuot Jaflet.

³⁴To yawuot Shomer owadgi Jaflet ne gin Roga gi Jehuba kod Aram.

³⁵Yawuot Hotham ma bende owadgi Jaflet ne gin Zofa gi Imna gi Shelesh kod Amal.

³⁶Joka Zofa ne gi Sua gi Harnefer gi Shual gi Beri gi Imra

³⁷gi Beezer gi Hod gi Shama gi Shilisha gi Ithran kod Beera.

³⁸Yawuot Jether ne gin Jefune gi Pispa kod Ara.

³⁹Yawuot Ula ne gin Ara gi Haniel kod Rizia.

⁴⁰Mago duto ne jotend dhout Asher. Ne gin jolweny marateke kendo jotend jodongo. Kar romb jolweny mag dhoutgi ne alufu piero ariyo gauchiel.