Read luo 1 Weche mag Ndalo 9 Bible Online

1 Weche mag Ndalo 9 - luo bible

1 Weche mag Ndalo 9

¹Jo-Israel duto nokwan koluwore gi dhoutgi, kendo ne ondik nyinggi e Kitap Ruodhi mag Israel gi Juda kane pok odargi kiterogi Babulon e tuech nikech richogi.

² Joma nokwongo dak e miechgi ne gin jo-Israel gi jodolo gi jo-Lawi kod jotich Hekalu.

³To jo-Juda gi jo-Benjamin gi jo-Efraim kod jo-Manase nodak Jerusalem.

⁴Jo-Juda ne gin Uthai wuod Amihud, ma wuod Omri, wuod Imri, wuod Bani, ma achiel kuom nyikwa Perez ma wuod Juda.

⁵Joka Shela ne Asaya ma wuowi makayo, kaachiel gi yawuote.

⁶Joka Zera ne Jeuel kod owetegi mia auchiel gi piero ochiko.

⁷Jo-Benjamin ne Salu wuod Meshulam, ma wuod Hodavia, ma wuod Hasenua,

⁸gi Ibneya wuod Jeroham gii Ela wuod Uzi ma wuod Mikra, kod Meshulam wuod Shefatia, ma wuod reuel, wuod Ibnija.

⁹Jogo kaachiel gi jowetegi mane nyinggi ochan, ne romo ji mia ochiko gi piero abich gauchiel. Giduto ne gin jodong dhoudi.

¹⁰To jodolo ne gin Jedaya gi Jehoyarid gi Jakin

¹¹gi Azaria wuod Hilkia, ma wuod Meshulam, ma wuod Zadok, ma wuod Merayoth, ma wuod Ahitub mane jatelo e Od Nyasaye

¹²gi Adaya wuod Jeroham, ma wuod Pashur, ma wuod Malkija, kod Maasa wuod Adiel ma wuod Jazera, wuod Meshulam, wuod Meshilemith, wuod Imer.

¹³Jogo ne nigi owetegi ma jodong dhoudi alufu achiel gi mia abiriyo gi piero auchiel. Giduto ne gin joma dongo molony e tich Od Nyasaye.

¹⁴Jo-Lawi ne Shemaya wuod Hashub wuod Azrikam, wuod Hashabia ja-Merari,

¹⁵gi Bakbakar gi Heresh gi Galal gi Matania wuod Mika, ma wuod Zikri, wuod Asaf,

¹⁶gi Obadia wuod Shemaya, ma wuod Galal, wuod Jeduthun, kod Berekia wuod Asa wuod Elkana, ma nodak gi joka Netola.

¹⁷Jorit rangeye ne gin Shalum gi Akub gi Talmon gi Ahiman kod owetegi. To Shalum ne jatendgi.

¹⁸Mokwongo noketgi yo wuokchieng’ mar ranga dala ruoth, ka girito rangeye mag kar dak jo-Lawi.

¹⁹Shalum wuod Koreah, ma wuod Abiasaf, wuod Kora, kaachiel gi owetene ma jo-Kora ne rito rangeye mag Hema Maler kaka kweregi ne rito rangeye mag kambi jo-Ruoth Nyasaye.

²⁰Chon Finehas wuod Eleazar ne jatendgi. (Ruoth mondo obed kode!)

²¹Zekaria wuod Meshelemia norito ranga Hemb Romo.

²²Joma noyier mondo obed jorit rangeye ne gin ji mia ariyo gi apar gariyo, mochan koluwore gi miechgi. Daudi gi Samuel ma janen ema noketogi e tich, nikech ne gin joma kare.

²³Omiyo gin gi yawuotgi, ne girito rangeye Od Ruoth Nyasaye, tiende ni Hema Maler.

²⁴Jorit rangeye nodak e bath Hekalu kor wuokchieng’ gi kor podho chieng’ gi kor nyandwat gi kor milambo.

²⁵To owetegi ma nodak oko e mier ne nyaka bi konyogi rito kuom ndalo abiriyo kinde ka kinde.

²⁶Jorit ang’wen ma jotelogo noyier nimar ne gin joma kare. Ne gin jo-Lawi, kendo ne girito udi gi kuonde keno mag Od Nyasaye.

²⁷Ne gidak ei alwora mar Od Nyasaye, nikech nomigi tich yawo rangeye pile gokinyi.

²⁸Jomoko kuomgi nomi tich rito gik lemo. Ne gikwano gigo kigologi kar keno, kendo kidwokogi.

²⁹To moko ne rito gik Hekalu kod gik mowal ni tich Ruoth Nyaaye, kod mogo mayom gi divai gi mo gi ubani kod gik mang’ue ng’ar.

³⁰To jodolo ema neruwo gik mang’ue ng’argo.

³¹Ja-Lawi moro ma nyinge Matithia, mane kach Shalum ja-Kora, ema nomi tich tedo chapat michiwo ni Nyasaye nikech ne en ng’at makare.

³²To owetegi moko ma jo-Kohath nomi tich teto makati e nyim Ruoth Nyasaye, chieng’ Sabato ka Sabato.

³³Mago ne jower kendo jodong dhout jo-Lawi. Ne gidak e udi moko mag Hekalu. Ne ok omigi tich moro machielo, nikech nonego gibed moikore ni tichgi odiechieng’ gotieno.

³⁴Jogo duto, kaka dhoutgi giwegi nochanogi, ne gin jodong dhout jo-Lawi, kendo ne gidak Jerusalem.

³⁵Jeyel wuon Gibeon nodak Gibeon, to nying chiege ne Maaka.

³⁶Wuod Jeyel makayo ne Abdon, to yawuote mamoko ne Zer gi Kish gi Baal gi Ner gi Nadab

³⁷gi Gedor gi Ahio gi Zekaria kod Mikloth,

³⁸to Mikloth nonywolo Shimeam. Jogo bende nodak Jerusalem mokiewo gi owetegi.

³⁹Ner nonywolo Kish, to Kish nonywolo Saulo, to Saulo nonywolo Jonathan gi Malkishua gi Abinadab kod Eshbaal.

⁴⁰Wuod Jonathan ne Meribaal. Meribaal nonywolo Mika,

⁴¹to Mika nonywolo Pithon gi Melek gi Terea kod Ahaz.

⁴²Ahaz nonywolo Jara, to Jara nonywolo Alemeth gi Azmoth kod Zimri. Zimri nonywolo Moza,

⁴³To Moza nonywolo Binea. Binea nonywolo Refaya, to Refaya nonywolo Eleasa. Eleasa nonywolo Ezel,

⁴⁴to Ezel nonywolo yawuowi auchiel ma nyinggi ne Azrikam gi Bokeru gi Ishmael gi Shearia gi Obadia kod Hanan. Mago e kar romb yawuot Azel.