Read luo Nehemia 10 Bible Online

Nehemia 10 - luo bible

Nehemia 10

¹Joma noketo lwetgi ne gin Nehemia ma ruoth, ma wuod Hakalia, kod Zekaria,

²gi Seraya gi Azaria gi Jeremia

³gi Pashur gi Shebania gi Malkia

⁴gi Hatush gi Shebania gi Maluk

⁵gi Harim gi Meremoth gi Obadia

⁶gi Daniel gi Ginethon gi Baruk

⁷gi Meshulam gi Abia gi Mijamin

⁸gi Maazia gi Bilgai kod Shemaya. Jogo duto ne jodolo.

⁹To jo-Lawi ne gin: Jeshua wuod Azania gi Binui ma jaka Henadad gi Kadmiel

¹⁰kaachiel gi jowetegi ma Shebania gi Hodia gi Kelita gi Pelaya gi Hanan

¹¹gi Mika gi Rehob gi Hashabia

¹²gi Zakur gi Sherebia gi Shebania

¹³gi Hodia gi Bani kod Beninu.

¹⁴To jotelo ne gin Parosh gi Pahath-moab gi Elam gi Zatu gi Bani

¹⁵gi Buni gi Azgad gi Bebai,

¹⁶gi Adonija gi Bigvai gi Adin

¹⁷gi Ater gi Hezekia gi Azur

¹⁸gi Hodia gi Hashum gi Bezai

¹⁹gi Harif gi Anathoth gi Nebai

²⁰gi Migpiash gi Meshulam gi Hezir

²¹gi Meshezabel gi Zadok gi Jadua

²²gi Pelatia gi Hanan gi Anaya

²³gi Hoshea gi Hanania gi Hashub

²⁴gi Halohesh gi Pilha gi Shobek

²⁵gi Rehum gi Hashabna gi Maaseya

²⁶gi Ahia gi Hanan gi Anan

²⁷gi Maluk gi Harim kod Baana.

²⁸To jomoko duto ma nopogore kuom jopinje mamoko noyie gi singruok mane jowetegi ma jotelo osetimo. Ne gin jodolo gi jo-Lawi gi jorit dhorangeye gi jower gi jotich gi nyigi, ma tiende ni ji duto mane oromo winjo tiend gima iwacho.

²⁹Ne gikuong’ore giduto kendo gichamo muma, ni ginirit chike Nyasaye mane Musa jatich Nyasaye omiyogi, kendo ni ginimak kendo ginichop chike Ruoth Nyasaye ma Nyasachgi duto.

³⁰ Ne gikuong’ore niya, “Ok wanachiw nyiwa ni joma ok jo-Yahudi ma koro odak e pinywagi, bende ok wanakend nyigi ni yawuotwa.

³¹ Ka jogo okelo gik ohala moko, kata cham moro amora chieng’ Sabato, to ok wanang’iep kuomgi chieng’ Sabato kata chieng’ moro amora maler. Bang’ higni abiriyo abiriyo ok wanapur puothewa, kendo wanawe ji duto mosing ni gope.

³² “Bende wasingore ni higa ka higa wanachiw pesa moromo achiel kuom adek mar shekel ni tich Od Nyasachwa,

³³mibiro ng’iewogo makati miketo e nyim Nyasaye pile, gi misango mar cham mitimo pile, gi misengni miwang’o pep, kod misengni mamoko mitimo chieng’ Sabato gi ndalo ma due opor, kod ndalo sewni, kendo ni tich misengni mamoko gi misengni migologo richo mag jo-Israel, kendo ni tich duto mag Od Nyasachwa.

³⁴“Wan jodolo gi jo-Lawi, kaachiel gi ji mamoko, wasegoyo ombulu kwapogogo tich kelo yien miwang’ogo misango e kind dhoutwa, mondo dhoot ka dhoot okel yien e Od Nyasachwa, kaka ondiki e chik.

³⁵ Wayie kelo chamb gwel e Od Ruoth Nyasaye higa ka higa, kaachiel gi olemo mokwongo nyak.

³⁶ Bende wayie kelo e Od Nyasachwa yawuotwa makayo mokwong nywol ni jodolo matiyo e Od Nyasachwano, kaka ondiki e chik.

³⁷ Kendo wayie kelo ni jodolo kuon ohia gi olemo mopogore opogore mokwongo nyak, kaachiel gi divai manyien kod mo, mondo okan e ut keno mag Od Nyasachwa. Wayie bende kelo ni jo-Lawi achiel kuom apar mag chambwa, nimar jo-Lawi ema choko achiel kuom apar mag cham maa e miechwa duto.

³⁸ To ka jo-Lawi choko achiel kuom apar mag chamgo, to jadolo ma ja dhood Harun nyaka bed kodgi. Jo-Lawi nyaka kel achiel kuom apar mag chamgo, to jodolo ma jadhood Harun nyaka bed kodgi. Jo-Lawi nyaka kel achiel kuom apar mag achiel kuom apargo e Od Nyasachwa mondo okan e ut keno mowinjore.

³⁹Jo-Israel gi jo-Lawi nyaka kel mich mag cham gi mag divai gi mag mo e udi mikanoe gik mitiyogo e Hekalu, kendo kama jodolo gi jorit dhorangeye gi jower odakie. Ok wanajwang’ Od Nyasachwa.”