Read luo Nehemia 11 Bible Online

Nehemia 11 - luo bible

Nehemia 11

¹Jodong Israel nobiro modak Jerusalem, to joma moko nogoyo ombulu moyiero ng’at achiel achiel kuom ji apar mondo odag Jerusalem, dala mowal ni Nyasaye. Ji modong’ to nodak e mier mamoko,

²kendo ji duto nogoyo erokamano ni joma nochiwore mondo odag Jerusalem.

³ Kamano jodong pinyno nodak Jerusalem, to jo-Israel mamoko gi jodolo gi jo-Lawi gi jotich Hekalu kod nyikwa jotich Solomon nodak e miech Juda, ka ng’ato ka ng’ato odak e dalane owuon.

⁴To e Jerusalem jo-Juda moko gi jo-Benjamin moko nodak kanyakla. Jodong Juda ne gin: Athaya wuod Uzia ma wuod Zekaria ma wuod Amaria ma wuod Shefatia ma wuod Mahalalel ma jadhood Perez.

⁵Joodgi duto nodak Jerusalem; ne giromo ji mia ang’wen gi piero auchiel gaboro, duto joma omew. Jaduong’ Juda moro ne Maaseya wuod Baruk ma wuod Kol-hoze ma wuod Hazaya ma wuod Adaya ma wuod Joyarib ma wuod Zekaria ma jadhood Shela.

⁷Jodong Benjamin ne gin; Salu wuod Meshulam ma wuod Joed wuod Pedaya wuod Kolaya wuod Maaseya wuod Ithiel wuod Jeshaya,

⁸kaachiel gi owetene ma Gabai gi Salai gi. Giduto ne giromo ji mia ochiko gi piero ariyo gaboro.

⁹Joel wuod Zikri ne jatendgi, kendo Juda wuod Hasenua ne jatelo mar ariyo mar dala.

¹⁰To jodolo ne gin: Jedaya wuod Joyarib

¹¹ma wuod Seraya ma wuod Hilkia ma wuod Meshulam ma wuod Zadok ma wuod Merayoth ma wuod Ahitub. Jedaya ne jatend tich mar Od Nyasaye.

¹²En, kaachiel gi jowetene mane tiyo e Hekalu ne gin ji mia aboro gi piero ariyo gariyo. Jadolo moro ne Adaya wuod Jeroham ma wuod Pelalia wuod Amzi wuod Zekaria wuod Pashur ma wuod Malkia.

¹³En, kaachiel gi jowetene ne giromo ji mia ariyo gi piero ang’wen gariyo. Giduto ne gin jodong dhoudi. Jadolo machielo ne Amasai wuod Azarel ma wuod Azai wuod Meshilemoth, wuod Imer.

¹⁴En kaachiel gi jowetene ne gin ji mia achiel gi piero aboro, ma giduto ne gin joma omew. Jatendgi ne Zabdiel wuod Hagedolim.

¹⁵Jo-Lawi to ne gin: Shemaya wuod Hashub ma wuod Azrikam ma wuod Hashabia ma wuod Buni,

¹⁶kod Shebethai gi Jozabad mane jotend jo-Lawi mane rito tich loso Od Nyasaye,

¹⁷kod Matania wuod Mika ma wuod Zabdi ma wuod Asaf mane jatend wer sa lemo, kod Bakbukia mane jatelo mar ariyo mar jowetene, kod Abda wuod Shamua ma wuod Galal ma wuod Jeduthun.

¹⁸Kar romb jo-Lawi ma nodak Jerusalem, dala mowal ni Nyasaye ne mia ariyo gi piero aboro gang’wen.

¹⁹Jorit dhorangeye ne gin Akub gi Talmon kod jowetegi.

²⁰Giduto ne giromo ji mia achiel gi piero abiriyo gariyo. Jo-Israel mamoko duto nodak e miech Juda, ka ng’ato ka ng’ato odak e dalane owuon.

²¹Jotich Hekalu to nodak Ofel. Jotendgi ne Ziha gi Gishpa.

²²Jatend jo-Lawi ma ne odak Jerusalem ne Uzi wuod Bani ma wuod Hashabia ma wuod Bani ma wuod Hashabia ma wuod Matania ma wuod Mika, ma jadhod Asaf ma jower.

²³Jo-Lawigo to ruoth owuon ema ne ochiko, kendo nomigi tich wer ma onego gitim pile.

²⁴Pathahia wuod Meshezabel ma jodhood Zera wuod Juda ema ne ng’ado ni ruoth rieko kuom weche duto mag jo-Israel.

²⁵Koro ma e kaka ji nodak e mier gi gwenge mokiewo gi miego. Jo-Juda moko nodak Kiriath-arba gi mier matindo mokiewo kode, gi Dibon kod Jakabzeel gi mier mokiewo kodgi,

²⁶gi Jeshua gi Molada gi Bethpelet

²⁷gi Hazar-shual gi Beersheba kod mier mokiewo kode,

²⁸gi Ziklag gi Mekona kod mier mokiewo kode,

²⁹gi En-rimon gi Zora gi Jarmuth,

³⁰kod Zanoa gi Adulam gi mier mokiewo kodgi, gi Lakish kod gwenge matindo mokiewo kode. Kamano ne gidak e pinyno, chakre Beersheba nyaka holo Hinom.

³¹Jo-Benjamin nodak Geba gi Mikmash gi Aya gi Bethel kod mier mokiewo kode,

³²gi Anathoth gi Nob gii Anania

³³gi Hazor gi Rama gi Gitaim

³⁴gi Hadid gi Zeboim gi Shim.

³⁵Gi Lod gi Ono kod Geharashim.

³⁶To migepe moko mag jo-Lawi ma yande odak e Juda koro odak e piny Benjamin.