Read luo Ayub 29 Bible Online

Ayub 29 - luo bible

Ayub 29

¹Ayub nochako owacho niya,

²“Mad ng’ato dwoka e ndalona machon, mane Nyasaye ritae.

³Nyasaye ne ni koda kinde duto, bende ne omenyona kuonde motimo mudho mane awuothoe.

⁴E ndalogo ne adhi maber nikech Nyasaye norito dalana gi herane.

⁵Nyasaye Manyalo Gik Moko Duto ne ni koda ndalogo, kendo nyithinda duto ne oketa diere.

⁶Jamba ne golo chak mang’eny, kendo yienda mag zeituni ne nyak maber, kata mana kuonde motimo kite manade.

⁷Kane adhi mondo abed e buch jodong dala,

⁸to yawuowi ne baro gi chien konena, kendo jodongo ne chung’na ka miya duong’.

⁹Kane achopo to jotelo ne weyo wuoyo,

¹⁰kendo koda ka joma dongo manade ne ling’ thi.

¹¹Ng’ato ka ng’ato mane owinjo wechena ne bedo mamor, kendo joma ne onena ne pako gik ma asetimo,

¹²nikech ne akonyo joma odhier kod nyithi kiye maonge kuma chomo.

¹³Ji ma ne nigi chandruok madongo ne paka, kendo ne akueyo chuny mond liete.

¹⁴Pile asebedo jaadiera, kendo jang’ad bura makare, ka arwako adiera gi tim makare ka lepa.

¹⁵An nene e wang’ muofni, kendo e tiend rang’onde,

¹⁶to jochan ne abedonigi ka wuon-gi, kendo ne adok ni jodak ka ni e chandruok.

¹⁷Ne aketho teko joma kwiny, kendo ne areso joma ne gidwaro hinyo a e lwetgi.

¹⁸Ne aparo ni abiro dak aming’a, mi achien atho e dala gi kue.

¹⁹Ne achalo yath ma opidhi kama ng’ich, kendo mayudo koth pile.

²⁰Ng’ato ka ng’ato ne miya duong’, kendo tekra ne pod nitie.

²¹Kane ang’ado rieko, to ji ling’ thi, kendo ne gichiko itgi maber mondo giwinj gima awacho.

²²Onge gima ne ginyalo medo ka asetieko wuoyo. Wechena ne donjonigi mana kaka kodh ajiki donjo e lowo

²³Ne giritogi mana ka joma rito koth e ndalo oro.

²⁴Kane abwonjo kodgi, to chunygi duogo, kendo kuyo mane gin go rumo.

²⁵An ema ne abedo jatendgi, mi agolo chike, mana ka ruoth ma otelo ni joge mag lweny, kendo ne ahoyogi kane chunygi onyosore.