Read luo Zaburi 11 Bible Online

Zaburi 11 - luo bible

Zaburi 11

¹Ageno kuom Ruoth Nyasaye moseresa. En fuwo manade ka uwachona ni mondo ahu gi bwombena ka winyo, adhi e gode,

²nimar joricho ywayo atungegi ka gichielo asernigi,

³Onge gima ng’at maber nyalo timo ka piny okethore.

⁴Ruoth Nyasaye nie Hekalu mare maler, kendo en gi kom duong’ne e polo. Orango ji duto kendo oneno gik ma gitimo.

⁵Onono joma beyo kaachiel gi joma richo, kendo chunye mon gi ng’at matimo timbe mahundu.

⁶Olwaro kite motimo mach maliel kuom joricho, kendo okumogi gi mach mang’ang’ni.

⁷Ruoth Nyasaye en ng’ama kare, kendo ohero timbe mabeyo. Jogo ma oluore nodag kode.