Read luo Zaburi 110 Bible Online

Zaburi 110 - luo bible

Zaburi 110

¹ Ruoth Nyasaye ne owacho ni ruodha niya, “Bed abeda korachwich ka nyaka chop aket wasiki obed raten tiendi.”

²Ruoth Nyasaye biro miyo lochni yarore chakre Sayun, kowacho niya, “Bed gi loch kuom wasiki.”

³Chieng’ ma ikedo gi wasiki, to jou nochiwre mondo okedi, kendo yawuotgi nobi iri e gode maler, konur mana ka tho mamoko gokinyi.

⁴ Ruoth Nyasaye osekuong’ore, kendo ok nolokre nga’ng’, kuom wachne mowacho ni, “In jadolo nyaka chieng’, e tich dolo mar Melkizedek.”

⁵Ruoth Nyasaye nie badi korachwichh, kendo obiro loyo ruodhi moko, chieng’ ma mirima omake.

⁶Obiro ng’ado ni ogendini bura, mi omi ringre joma otho pong paw lweny. Adier, obiro loyo ruodhi e piny ngima.

⁷Ruodhni nomodh e aora manie bath yo, omiyo enoting’ wiye nikech oselocho.