Read luo Zaburi 112 Bible Online

Zaburi 112 - luo bible

Zaburi 112

¹Pakuru Ruoth Nyasaye! Ng’at moluoro Ruoth Nyasaye, kendo marito chikene gi mor, en jahawi.

²Nyithinde nobed madongo e piny. Ee, nyikwa ng’at maber noyud gueth.

³Joode nobed jomwandu man gi gik mathoth, kendo en owuon nodhi nyime maber nyaka chieng’.

⁴Ong’won kendo okecho ji. En e ler marieny e mudho ni joma beyo.

⁵Ng’at makonyo ji gi chuny maler, kendo matiyo tijene e yo modimbore, en jahawi!

⁶Onge gima nyalo yienge, bende wich ok nyal wil kode.

⁷Ok oluoro winjo weche makelo kuyo, nikech yie ma en go otegno, kendo ogeno kuom Ruoth Nyasaye.

⁸Ok oluor, kendo chunye ok chandre. Ong’eyo ni obiro neno ka olo wasike.

⁹ Opogo gige ni jochan gi chuny maler. Ngwonone osiko nyaka chieng’. Obiro bedo gi teko, kendo obiro yudo luor.

¹⁰Joricho koneno kamano, to igi wang’. Ging’icho marach ka gikecho, bang’e gilal nono. Geno ma gin go orumo chuth.