Read luo Zaburi 122 Bible Online

Zaburi 122 - luo bible

Zaburi 122

¹Ne abedo mamor kane ji owachona niya, “Wadhiuru e od Ruoth Nyasaye.”

²Koro eri wachung’ e dhorangeyene, yaye Jerusalem.

³Jerusalem noger mondo obed dala ma ji chokoree gi kue kaachiel.

⁴Dhout Israel biroe, ee, jo-Ruoth Nyasaye biroe, mondo ogone erokamano kaka nochikogi.

⁵Kanyo ema nitie ut ng’ado bura, ma ruoth ma nyakwar Daudi ng’adoe bura ni joge.

⁶Lemuru mondo Jerusalem obed gi kue, kuwacho niya, “Joma oheri, A Jerusalem, mondo odhi nyime maber.

⁷Kue onego obed e ohinga mari, kendo dongruok maber bende obed e ut jodongi.”

⁸Awacho e nying owetena gi osiepena niya, “A Jerusalem, kue obed kodi.

⁹Alemo ni mondo idhi nyime maber, nikech duong’ mar od Ruoth Nyasachwa.”