Read luo Zaburi 140 Bible Online

Zaburi 140 - luo bible

Zaburi 140

¹Ruoth Nyasaye, gola e lwet joricho, kendo konya e teko jomahundu.

²Pile gichano timo richo, ka gidwaro mana dhaw.

³ Gipiago lewgi mabith mana ka lak thuol. Adier, wechegi chalo gi kwich thuond rai.

⁴Rita, A Ruoth Nyasaye, kuom teko joma timbegi mono. Ee, konya kuom jomahundu madwaro tieka.

⁵Josunga osechikona obadho. Adier, giseyarona tonde e yo mondo amokie.

⁶A Ruoth Nyasaye, awachoni niya, “In e Nyasacha.” Winj ywakna mondo ikonya.

⁷Ruoth Nyasaye ma Nyasacha kendo ma jawarna, isebedo kirita e lweny.

⁸Kik imi joricho gik ma gidwaro, yaye Ruoth Nyasaye. Chutho, kik iwe timbegi mamono dhi nyime maber.

⁹Adier, kik iwe wasika lochi, to mi bwok ma gibwogago dog mana e wigi giwegi!

¹⁰Onego mirni mag mach maliel makwar wang’gi, mondo kik giwuog oko kendo.

¹¹Onego joma hango jowetegi kayiem nono kik lochi, kendo masira mondo omak jomahundu, mi tieki.

¹²A Ruoth Nyasaye, ang’eyo ni ichwako joma odhier,

¹³Joma kare biro pako nyingi adier, kendo ginibed ka gilemo e nyimi.