Read luo Zaburi 144 Bible Online

Zaburi 144 - luo bible

Zaburi 144

¹Pakuru Ruoth Nyasaye ma lwandana! Ojiwo bada ni lweny, kendo opuonja kedo.

²En e kar konyruokna, kendo e ohingana. Bende en e jawarna kendo kara mapondoe. En okumbana, kendo en ema ageno kuome. Oketo ogendini e bwo lochna.

³ A Ruoth Nyasaye, dhano en ang’o ma ding’iye? Koso dhano adhanani to ang’o ma dimi ipare?

⁴En mana gima nono ka yamo makudho, kendo ndalone ringo piyo ka tipo makadho.

⁵Sud polo machiegni gi piny mondo ilor, eka imul gode, mondo iro owuogie.

⁶Dir mil polo magi ka aserni, kikeyo wasiki koni gi koni.

⁷Rie badi koa e polo mondo iresa, kigola e atarongala.

⁸Konya e lwet jopinje mamoko ma ok wach adiera to riambo kata mana ka gikuong’ore.

⁹Anawerni wer manyien, A Nyasaye, kagoyoni thum mamit.

¹⁰Imiyo ruodhi locho, kendo ireso Daudi jatichni.

¹¹Resa e lak ligangla mabith Adier, konya kuom teko mar jopinje mamoko, ma ok wach adier, to riambo kata mana ka gikuong’ore.

¹²Yawuotwa ma pod tindo, onego chal gi yien madongo motegno. Nyiwa bende onego ochal gi kite mopa, ma licho od ruoth.

¹³Derewa onego opong’ gi kit cham duto, kendo rombe manie abilniwa onego onywolre gana gi gana.

¹⁴Dhowa bende mondo onywolre mang’eny, maonge mobuogo kata motho. Onego nduru moro kik gore e gweng’wa.

¹⁵Ji ma ok odak kamano gin johawi, kendo joma Nyasachgi en Ruoth Nyasaye, bende johawi.