Read luo Zaburi 15 Bible Online

Zaburi 15 - luo bible

Zaburi 15

¹A Ruoth Nyasaye, ere ng’ama onego odag e Hekalu mari? Koso en ng’a monego bed e godi maler?

²Nyaka obed ng’ama oluoro Nyasaye e yore duto, kendo ma pile timo gik makare, bende ma wechene gin adier, kendo ma onge miganga.

³Onego obed ng’at ma ok keth nying ng’ato, kendo ma ok tim marach ni osiepene, bende ma ok kuodh jowadgi,

⁴to ma charo jogo ma Nyasaye odagi. Joma oluoro Nyasaye to omiyo duong’. Pile otimo gima osesingore ni obiro timo, kata bed ni en gima biro hinye en owuon,

⁵Oholo gik moko, to ok okawie ohala, kendo ok ocham asoya mondo oketh buche joma onge ketho. Ng’at ma timo gigo duto ok nopodhi.