Read luo Zaburi 2 Bible Online

Zaburi 2 - luo bible

Zaburi 2

¹ Ere gimomiyo ogendini timo koko? Ang’o momiyo gichano timo gik manono?

²Ruodhi gi jotelo hodho wach mondo opiem gi Ruoth Nyasaye kod ruoth moyiero.

³Giwacho niya, “Wachoduru nyororo motuewago, kendo wawit lochgi kucho.”

⁴Ruoth Nyasaye to nyierogi kobet e kome mar duong’ e polo.

⁵Owuoyo kodgi kokecho, kendo obwogogi ka en gi mirima.

⁶Owacho niya, “Ruoth ma ayiero aseketo ewi Sayun, goda maler.”

⁷ Ruodhno to wacho kama, “Abiro hulo gima Ruoth Nyasaye osewacho. Nowachona niya, ‘In e wuoda. Tinende asedoko wuoru.

⁸Koro kwaya mondo amiyi ogendini duto, mondo piny ngima obed mari.

⁹ Iniritgi gi ludh nyinyo, kendo initogi matindo tindo ka mbalatago.’ ”

¹⁰Koro un ruodhi gi jotelo, chikuru itu mondo upuonjru:

¹¹Tiuru ni Nyasaye gi luoro

¹²kendo kulreneuru kuboloru, nikech dipo ka okecho, mi utho apoya, nimar iye jawang’ piyo. To joma ogeno kuome gin johawi.