Read luo Zaburi 24 Bible Online

Zaburi 24 - luo bible

Zaburi 24

¹ Ruoth Nyasaye e wuon piny ngima, kaachiel gi gik moko duto manie iye. Ji duto modakie bende mage.

²Ne oketo mise mag piny kuom nam. Ee, nochunge ma ok ong’ingni kuom nam matut.

³Ere ng’ama nigi ratiro mar idho god Ruoth Nyasaye? Koso en ng’a moyiene donjo e Hekalu mare maler?

⁴ Ng’atno nyaka bed mana ng’at ma timbene beyo, kendo ma chunye long’o. En ng’at ma ok lam nyiseche manono, kendo ma ok kuong’re gi miriambo.

⁵Enoyud gueth moa kuom Ruoth Nyasaye, kendo Nyasaye ma Jawarne nong’adne bura makare.

⁶Mano hap joma dwaro Nyasach Jakobo.

⁷Un dhorangeye, yawreuru malach! Un dhoudi machon, yawreuru mondo ruoth maduong’ odonji.

⁸Ruoth maduong’ni to en ng’a? En Ruoth Nyasaye maratego, kendo manyalo duto. En Ruoth Nyasaye malocho e lweny.

⁹Un dhorangeye, yawreuru malach! Un dhoudi machon, yawreuru mondo ruoth maduong’ odonji.

¹⁰Ruoth maduong’ni to en ng’a? En Ruoth Nyasaye ma Nyasach ogendini.