Read luo Zaburi 29 Bible Online

Zaburi 29 - luo bible

Zaburi 29

¹ Pakuru Ruoth Nyasaye, un yawuot polo. Ee, pakuru duong’ne gi tekone.

²Pakuru nying maduong’ mar Ruoth Nyasaye, kendo ka Ng’ama Ler othinyore, to kulreuru e nyime.

³Dwond Ruoth Nyasaye wuo e nembe. Adier, Nyasaye man gi duong’ twaro, kendo dwonde winjore e nam.

⁴Ji winjo dwond Ruoth Nyasaye ka wuo gi tekone kod duong’ne!

⁵Dwonde turo yiend sida, koda ka yiend sida mag Lebanon.

⁶Omiyo gode mag Lebanon giro ka nyiroye, kendo got Hermon chikore ka nyarwath.

⁷Dwond Ruoth Nyasaye miyo polo mil,

⁸bende dwonde miyo thim tetni. Ee, oyiengo thim Kadesh.

⁹Dwond Ruoth Nyasaye miyo le nywol, kendo miyo yien dong’ koluwerore. To ji duto manie Hekalu makare kok niya, “Duong’ obed ni Nyasaye.”

¹⁰Ruoth Nyasaye obet e kom duong’ne ewi ataro, korito piny kaka ruoth nyaka chieng’.

¹¹Omiyo joge teko, kendo oguedhogi gi kue.