Read luo Zaburi 33 Bible Online

Zaburi 33 - luo bible

Zaburi 33

¹Un ji duto morito chik Nyasaye, beduru mamor kuom gik ma Nyasaye osetimo, nimar joma kare ema onego opake.

²Gouru ni Ruoth Nyasaye erokamano gi nyatiti, kendo werneuru gi thum man gi puye apar.

³Werneuru wer manyien, kendo goneuru thum mamit, kuwer matek.

⁴Weche Ruoth Nyasaye gin adier, kendo tijene duto ogen.

⁵Ohero gik makare, kendo ma adiera, bende herane mosiko opong’o piny.

⁶Ruoth Nyasaye nogolo chik, mi polo olosore, kendo ne owuoyo, mi wang’chieng’ gi due kod sulue obetie.

⁷Ne ochoko nembe duto kanyachiel. Ee, ne oloro ni kude mag nembe e od keno.

⁸Piny duto mondo oluor Ruoth Nyasaye. Adier, ji duto manie piny nyaka luore.

⁹Ne owuoyo, mi piny obetie, kendo ne ogolo chik, mi gik moko duto othinyore.

¹⁰Ruoth Nyasaye rocho paro mar ogendini. Adier, omonogi timo gik ma gichano.

¹¹En to gik mochano dak nyaka chieng’, kendo dwarone siko mochwere.

¹²Oganda ma Ruoth Nyasaye e Nyasachgi nigi hawi. Ee, joma oseyiero mondo obed joge owuon gin joma oguedhi.

¹³Ruoth Nyasaye rango piny gie polo, kendo oneno ji duto.

¹⁴Ong’iyo piny gi kuma odakie, kendo oneno ji duto modak e piny.

¹⁵En ema ochueyo chuny ji, kendo ong’eyo gik moko duto ma ji timo.

¹⁶Oganda lweny maduong’ ok ema mi ruoth lo lweny. Jalweny bende ok nyal tony e kedo mana nikech tekre owuon.

¹⁷Kata mana faras matek manade ok nyal miyo ng’at mogeno kuome tony.

¹⁸To Ruoth Nyasaye ema rango joma oluore, kendo ma ogeno kuom herane ma osiko.

¹⁹Oresogi e tho, kendo oritogi e ndalo kech.

²⁰Waketo genowa kuom Ruoth Nyasaye. En jakonywa kendo e okumbawa.

²¹En ema omiyowa mor, nikech wageno kuom nyinge maler.

²²A Ruoth Nyasaye, kaka waseketo genowa kuomi, yie mondo herani mosiko obed kodwa.