Read luo Zaburi 43 Bible Online

Zaburi 43 - luo bible

Zaburi 43

¹A Ruoth Nyasaye, ng’ad bura ma nyiso ni aonge ketho, kendo chwaka mondo joma ok ong’eyi kik loya. Yie igola e lwet joricho ma jomriambo.

²In e Nyasaye ma lwandana, to ere gima omiyo koro ijwang’a? Koso ang’o momiyo onego abed kakuyo mana nikech wasika?

³Or ler kod adiera mari mondo otelna, kendo odwoka Sayun, godi maler, e Hekalu mari ma idakie.

⁴Bang’e anadhi e kendoni mar misango, A Nyasaye. Anapaki gi thum, yaye Nyasaye ma Nyasacha.

⁵Ere gima omiyo chunya lit? Koso ang’o momiyo chunya parore? Anaket genona kuom Nyasaye, mi anachak apake kendo. En e jakonyna kendo Nyasacha.