Read luo Zaburi 46 Bible Online

Zaburi 46 - luo bible

Zaburi 46

¹Nyasaye e kar konyruokwa, kendo e tekowa. En e jakonywa e kinde mag chandruok.

²Kuom mano ok wanaluor kata ka piny yiengni, kendo gode mukore, mi lwar e kude mag nam,

³kata ka nembe wuo, kendo tagore, kendo gode tetni nikech gingruok mar apaka.

⁴Nitie aora makelo mor e dala mar Nyasaye, ma Ng’ama Duong’ Moloyo oseloko kar dakne.

⁵Nyasaye odak e dalano, omiyo dalano ok nyal lo. Ee, Nyasaye biro konye gokinyi mang’ich.

⁶Ogendini luor, kendo pinje yiengni, to piny bende leny ka Nyasaye rogo matek.

⁷Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!

⁸Biuru mondo uneye gik ma Ruoth Nyasaye osetimo. Ee, neyeuru gik miwuoro mosetimo e piny.

⁹Otieko lwenje e piny duto. Oturo atunge kod tonge, kendo owang’o okumbni gi mach.

¹⁰Owacho niya, “Weuru lweny, eka ung’e ni an e Nyasaye. An gi loch kuom ogendini kendo kuom piny ngima.”

¹¹Ruoth Nyasaye Manyalo Gik Moko Duto ni kodwa. Adier, Nyasach Jakobo e kar konyruokwa!