Read luo Zaburi 61 Bible Online

Zaburi 61 - luo bible

Zaburi 61

¹A Nyasaye, winj ywakna, kendo chik iti ni lemona.

²Ka chunya chandore kuma bor gi dala, to aluongi. Ting’a malo, iketa ewi lwanda mohinga gi bor mondo aresra,

³nimar in e kar konyruokna, kendo in e ohinga ma sirona wasigu.

⁴We adag e hembi kuom ngimana duto, mondo ayud resruok e tipo mar bwombeni.

⁵A Nyasaye, isewinjo singruokna, kendo isemiya mwandu ma joma oluori yudo.

⁶Yie imed ruoth higni mang’eny mondo odag aming’a.

⁷Onego orit piny nyaka chieng’, ka in kode, A Nyasaye. Ee, rite gi herani mosiko kod adiera mari.

⁸Eka abiro paki gi wer nyaka chieng’, kendo pile abiro chiwoni gik ma asesingora ni nachiw.