Read luo Zaburi 64 Bible Online

Zaburi 64 - luo bible

Zaburi 64

¹A Nyasaye, winj ywakna, nikech an e chandruok. Konya kuom bwok ma wasika bwogago.

²Rita kuom gik ma joricho dwaro timona, kendo konya e lwet joma timbegi mono.

³Gipiago lewgi mana ka ligangla, kendo gichielo weche mager mana ka asere.

⁴Gipondo kendo gichielo joma beyo gi aserni. Ee, gichielogi apoya, ka ok giluoro gimoro.

⁵Gijiwore kendgi giwegi kuom timbegi maricho, kendo gipenjore mana kama onego gichikie obathgi, ka giparo ni onge ng’ama nenogi.

⁶Gichano timbegi maricho gi rieko maling’ling’. Yaye! Chuny dhano gi parone lich manade!

⁷To Nyasaye tiekogi gi aserni mage, kendo gipo mana ka ohinygi malit.

⁸Weche ma giwacho giwegi ema nomi ologi. Ji duto ma onenogi biro goyonigi siboi,

⁹kendo nobed maluor. Ginihul gima Nyasaye osetimo, kendo ginipar matut kuom timbene madongo.

¹⁰Joma kare duto nobed gi ilo, nikech gima Ruoth Nyasaye osetimo. Giniyud konyruok kuome, kendo ji duto mabeyo nopake.