Read luo Zaburi 75 Bible Online

Zaburi 75 - luo bible

Zaburi 75

¹Wagoyoni erokamano, A Nyasaye. Ee, wagoyoni erokamano. Wahulo kaka iduong’, kendo walando gik madongo misetimo.

²Nyasaye wacho niya, “Ka kinde ma aseketo mondo ong’adie bura ochopo, to abiro ng’ado bura.

³Kata obedo ni piny oyiengni, mi ji duto modakie kihondko omako, to an ema nagur mise mage motegno.

⁴Akwero josunga niya, ‘Weuru sungoru!’ Joricho bende akwero ni, owe kawore.

⁵Ee, awachonigi giduto mondo giwe timbegi mag sunga gi mag tok teko.”

⁶Teko mar ng’ado bura ok wuog yo wuok chieng’ kata yo podho chieng’. Bende ok owuog yo nyandwat kata yo milambo,

⁷to Nyasaye e jang’ad bura. Odwoko ji moko piny, to moko oting’o malo.

⁸Ruoth Nyasaye oting’o kikombe mar divai mochiek makech e lwete, kendo ogamo ni ji mondo omadhi. Joricho duto onego madhe pep, koda ka duche!

⁹An to abiro pako Nyasach Jakobo. Ee, abiro pake gi wer nyaka chieng’.

¹⁰Enotiek teko joricho, to teko mar joma kare nomedre ameda.