Read luo Zaburi 8 Bible Online

Zaburi 8 - luo bible

Zaburi 8

¹A Ruoth Nyasaye ma Ruodhwa, mano kaka nyingi duong’ e piny ngima!

² Pak ma nyithindo mayom, koda ka mago ma pod dhoth, pakigo, chopo nyaka e polo malo. Isegero kama otegno mondo isirgo wasiki, kendo mondo igeng’go joma mon kodi.

³Ka arango polo mane ichueyo gi lweti, kaka lich, kendo ka arango due gi sulue mane iketo kuonde ma gintie,

⁴ to koro dhano en ang’o ma dipare? Adier, dhano adhanani en ang’o ma didewe?

⁵To kata kamano ne ichueye ma in kende ema iloye. Bende ne isidhone osimbo mar duong’ kod pak,

⁶ kendo ne ikete ruodh gik moko duto mane ichueyo. Adier, ne iketo gik moko duto e bwo tiende,

⁷koda ka rombe gi dhok kod le mae thim,

⁸kaachiel gi winy kod rech kod gik moko duto modak e pi.

⁹A Ruoth Nyasaye ma Ruodhwa, mano kaka nyingi duong’ e piny ngima!