Read luo Eklesiastes 6 Bible Online

Eklesiastes 6 - luo bible

Eklesiastes 6

¹Aseneno gimoro achiel marach matimore ni dhano e piny ka.

²Nyasaye nyalo miyo ng’ato mwandu kod luor kaachiel gi gimoro amora ma ng’atno dwaro, to ok owe ng’atno cham mwandunego ngang’. Ng’ato nono ema biro chamogi. Mano en gima nono, kendo ma ok ber kata matin.

³Ng’ato nyalo bedo gi nyithindo mia achiel, mi odag higni mang’eny. To kata da bed ni odak aming’a machal nadi, to ok oyudo mor kuom gik ma en go, kendo ok oyike maber ka otho, to oneno ni nyathi ma obuogi kosetho ber moloye.

⁴Nyathi makamano lal nono e mudho, kendo kata mana nying ok chake.

⁵Ok one ler mar odiechieng’, bende ok ong’eyo kaka ngima chalo, kata kamano oyudo yueyo,

⁶moloyo ng’at ma odak higni gana gi gana, to onge gi mor. To bende giduto gidhi mana kanyachiel!

⁷Dhano tiyo matek mana ni mondo oyud gima ochamo, to eka ok oyud morome ngang’.

⁸Koro ere ber ma ng’ama riek neno, moloyo ng’ama ofuwo? Koso ere gima ber ma jachan nigo kuom gik moseng’eyo ma doritrego e ngimane?

⁹En mana gima nono, ka yamo makadho! Emomiyo ber bedo mamor gi gik ma in go, moloyo gombo gik ma iongego.

¹⁰Gimoro amora matimore ne osechan chon, kendo waduto wang’eyo ni dhano ok nyal piem gi gima tek moloye.

¹¹Kimedo goyo mbaka to weche medo bedo manono moloyo, kendo onge gima iyudoe.

¹²Ere ng’ama nyalo ng’eyo gima ber ma dhano onego otim e ngima machiek kendo manono, makadho mana ka tiponi? Koso ere kaka ng’ato nyalo ng’eyo gima biro timore e pinyni bang’ thone?