Read luo Wer Mamit Moloyo Wende Moko Duto 2 Bible Online

Wer Mamit Moloyo Wende Moko Duto 2 - luo bible

Wer Mamit Moloyo Wende Moko Duto 2

¹An to, an mana maup thim mar Sharon, kata ondanyo madongo e pap.”

²“Ooyo jaherana, iber e kind nyiri weteu, mana kaka ondanyo ber e kind kuthe.”

³“To in bende jaherana, iber e kind yawuowi weteu, mana kaka yadh olemo ber e kind yien mamoko duto. Ahero bet e tiponi ka achamo olembi mamit.

⁴Ne itera e odi mar chiemo, mi iliero bandech hera kuoma.

⁵Hera nega, omiyo duog chunya gi gik mamit.

⁶Badi ma kor acham oteno wiya, to badi ma korachwich okwaka.”

⁷“Un nyi Jerusalem, kuongreuru gi nying le mae thim ni ok unuchoch herawa.”

⁸Awinjo dwond jaherana. Ero obiro, ka ochikore e gode. Adier, odum e kor gode kobiro ira!

⁹Jaherana chalo gi apol kendo ochalo gi ngau ma pod dongo. Echagocha, ochung’ e tok ohingawa, ka ong’icho gie dirisa.

¹⁰Awinjo ka jaherana wuoyo koda, kawacho niya, ‘A malo, jaherana! Wuog wadhi, yaye jaber.

¹¹Ndalo chwiri koro osekadho, omiyo koth oserumo,

¹²kendo maupe thiewo e piny duto. Koro ma e kinde ma ji werie, kendo ma dwond akuru winjore e piny.

¹³Olemo bende ochako chiek, kendo mzabibu mamoyo dum mamit. A malo jaherana, Wuog wadhi, yaye jaber.

¹⁴Ilalna mana ka winyo ma ode ni kama orokore e kor got mabor. We aneye wang’i, kendo awinjie dwondi, nikech ijaber, kendo dwondi mit.’

¹⁵Yaye jowadwa, maknauru nyithind bwe ma ketho puothe mag mzabibu, nikech dipo ka giketho mzabipwa mamoyo.”

¹⁶Jaherana en mara, kendo an bende an mare. Okwayo e chuny ondanyo.

¹⁷Nyaka koch okinyi kudhi, mi piny yawre. Duogi e gode mang’ue ng’ar, yaye jaherana, mana ka gima in apol kata ka ngau ma pod dongo modak e gode.