Read luo Wer Mamit Moloyo Wende Moko Duto 4 Bible Online

Wer Mamit Moloyo Wende Moko Duto 4 - luo bible

Wer Mamit Moloyo Wende Moko Duto 4

¹“Mano kaka iber, yaye jaherana! Mano kaka iber! Mano kaka wang’i miumo gi nanga nyiso hera lilo! Yie wiyi miel ka kwedh diek machikore ka lor e gode mag Gilead.

²Lekeni tar mana ka rombe ma ong’ad yiegi kawuono, kendo olwoki. Moro ka moro omanyore gi wadgi, kendo onge kata achiel momukore.

³Dhogi kwar ka olemo. Yaye mano kaka wecheni mitna! Lembi miumo gi nanga bende kwar mana ka osaye.

⁴Ng’uti bor ka osuch Daudi, ma nenore gi kuma bor, kendo ma jolweny gana achiel marateke lieroe kuodigi.

⁵Thundeni chalo gi nyidiek marude, ma kwayo e chuny ondanyo.

⁶Abiro mana bet e got mang’ue ng’ar, nyaka koch okinyi kudhi, mi piny yawre.

⁷Mano kaka iber, yaye jaherana! Ionge gi mbala kata achiel e dendi.

⁸Chiega, bi walor waa e got Lebanon. Adier, bi walor waa Lebanon. Wuogi ia e got Amana gi got Senir kod Hermon, kuonde ma sibuor gi kwach odakie.

⁹Jaherana, ka wang’i orado gi mara, kata ka arango tigo ma iliero e ng’uti, to chunya rumo!

¹⁰Yaye chiega, herani mit moloyo divai, kendo mo miwirorigo dum mamit moloyo modhi duto.

¹¹Dhogi mit ka mor kich, yaye jaherana. Adier, lewi chalona chak kata mor kich. Lepi dum tik mamit mana ka tik mamit mar god Lebanon.

¹²Jaherana ma chiega chalo gi puodho mochiel motegno, kata ka soko modin ma ji ok modhie.

¹³Gik moko dongo maber e puodhono. Ee, gidongo mana ka olemo mabeyoe moloyo.

¹⁴Gin gik mopogore opogore, ma moko mit chamo, to moko ng’ue ng’ar.

¹⁵Soko nie puodhono. Aore mamol koa got Lebanon bende kelone pi.”

¹⁶“In yamb masawa, tugri! Yamb milambo, in bende kudhi e puotha, mondo tik gik mang’ue ng’ar man kanyo odum. Yaye jaherana, bi e puothi mondo icham olembe mabeyo.”