Read luo Isaya 12 Bible Online

Isaya 12 - luo bible

Isaya 12

¹Chieng’no unuwach niya, “A Ruoth Nyasaye wabiro paki! Kata obedo ni mirima osemaki kodwa, to koro oselendo, mi ikweyo chunywa.

² Adier, Nyasaye e jareswa. Wan gi geno kendo ok waluor, nimar Ruoth Nyasaye e kar konyruokwa, kendo e okumbawa. Osenyiso ni en e jareswa.”

³Kuom mano ubiro yudo gik mabeyo gi mor kuom Ruoth Nyasaye ma resou.

⁴Chieng’no un duto unuwach niya, “Gouru erokamano ni Ruoth Nyasaye, kendo lameuru. Landuru ni ji duto gik mosetimo. Ka uhulo ni nyinge nigi duong’ moloyo.

⁵Weruru ni Ruoth Nyasaye wende pak nikech oselocho, kendo mano nyaka ng’ere e piny duto.

⁶Un joma odak Sayun, koguru gi mor, nimar Ng’ama Ler mar Israel odak e dieru gi duong’ne duto.”