Read luo Isaya 15 Bible Online

Isaya 15 - luo bible

Isaya 15

¹ Fweny mane Nyasaye onyiso kuom Moab e ma: Ibiro keth Ar gi Kir, miech Moab, otieno achiel, mi piny Moab rum.

²Jo Dibon noring kaidho gode mondo olem e hembko man kuno. Jo-Moab to noywag nikech Nebo gi Medeba osekethi, kendo ng’ato ka ng’ato noliel wiye kod tike.

³Ji nowuoth e yore korwako piende gugru, bende giniywagi ewi udi kendo e akek yore

⁴Jo-Heshbon kod jo-Eleale noywagi, mi ywakgi nowinjre nyaka Jahaz. Mano emomiyo thuond Moab marateke luoro nomaki kendo chir ma gin-go norum.

⁵Chunya lit nikech masira mabiro mako Moab, nimar jodonggi noring nyaka Zoar, mi chop Eglath-shelishia. Ginidh e yo ma dhi Luhith ka giywak, kendo nowinjgi ka giywak malit e yo madhi Horonaim.

⁶Sokni mag Nimrim nodwon. Lum bende notwo, kendo oboke duto noner, ma onge gimoro amora mang’ich ma nodong’.

⁷Mano emomiyo jo-Moab nokaw mwandugi, ma giseyudo kuom tich matek, kod pesagi duto, mi ging’adgo aora Arabim.

⁸Ywak ma giniywaggo ni mondo okonygi nowinjre nyaka e tong’ piny Moab. Adier, nduru ma ginigo nochop nyaka Eglaim kod Beer-elim.

⁹Remo nopong’ sokni mag Dimon, to eka masiche madongo pod nomak amaka Dimon! Sibuor nomak ng’ato ang’ata maringo kaa Moab, kod ji manok modong’ e pinyno.