Read luo Jeremia 39 Bible Online

Jeremia 39 - luo bible

Jeremia 39

¹E ndalo mar apar, higa mar ochiko mar loch Zedekia ruodh Juda, Nebukadnezar ruodh Babulon nobiro gi joge mag lweny, molworo Jerusalem mondo omonji.

²Kamano chieng’ due ochiko due mar ang’wen e higa mar apar gauchiel mar loch ruoth Zedekia, ne omuk ohinga mar Jerusalem.

³Kane osekaw Jerusalem, jodongo duto mag ruodh Babulon kaka Nergal Serezer machielo, ne jobiro mobet piny e Dhorangach Madiere.

⁴Kane Zedekia ruodh Juda gi jolwenje oneno gima osetimore, ne gipondo gotieno mi gia e dala. Ne giwuok ka ging’ado orundu ruoth, mi gikadho e dhorangach mane ni e kind ohingni ariyo, ka gichiko Paw Jordan.

⁵To jolweny mag Babulon nolawogi, mojuko Zedekia e paw jeriko. Ne gimake mi gitere ir ruoth Nebukadnezar, mane oyudo ni Ribla e gweng’ Hamath, mong’adone bura kuno.

⁶Ruodh babulon nogolo chik moneg yawuot Zedekia e dala mar Ribla kuno, mana e nyim Zedekia koneno. Bende noneg jodong Juda duto.

⁷Bang’e nogolo wenge Zedekia oko, mi otueye gi nyororo mondo otere Babulon.

⁸E kindeno, jo-Babulon nowang’o od ruoth gi ute ji, mi gimuko ohinga mar Jerusalem.

⁹To mogik Nebuzaradan ma jatend lweny nomako joma ne odong’ e dala motero Babulon kaachiel gi joma nosedokne.

¹⁰Joma odhier ahinya maonge gimoro ema noweyo e piny Juda, mi omiyo puothe mag mzabibu gi mag cham.

¹¹To Nebukadnezar ruodh Babulon ne ooro wach ni Nebuzaradan jatend jolweny kowuoyo kuom Jeremia, kama:

¹²“Dhiyo ikaw Jeremia, kendo irite maber. Kik ihinye, to timne gimoro amora modwaro.”

¹³Omiyo Nebuzaradan, kaachiel gi jaduong Nebushazban gi jaduong’ Nergal Sarezar, kod jodong ruodh Babulon duto,

¹⁴ne ooro joote ir Jeremia, mogole e laru mar od jorit. Ne gikete e lwet Gedalia wuod Ahikam ma nyakwar Shafan mondo otere dala maber. Kamano Jeremia nodak gi joge.

¹⁵Ruoth Nyasaye nosewuoyo gi Jeremia kane pod otueye e laru mar od jorit, kowachone

¹⁶mondo odhi onyis Ebed-edom ja Ethiopia ni Ruoth Nyasaye Manyalo Gik Moko Duto kendo ma Nyasach Israel osewacho niya, “Abiro ketho dalani, kendo ok abi guedhe, mana kaka nasingora ni natim. To ka chieng’no ochopo mi gigo otimore, to inibedie, kendo ininegi ka gitimore.

¹⁷To an Ruoth Nyasaye anakonyi, kendo ok noketi e lwet joma iluorogo.

¹⁸Anariti maber, mi ok nonegi, initony nikech isegeno kuoma to kata kamano, inires mana ngimani kende. An Ruoth Nyasaye ema awacho kamano.”