Read luo Baruk 5 Bible Online

Baruk 5 - luo bible

Baruk 5

¹In Jerusalem, lony lewni mag ywak kod kuyo, mondo irwak lewni mabeyo mag duong’ maler mar Nyasaye nyaka chieng’.

²Gawri gi dimbruok ma Nyasaye omiyi, mana kaka ng’ato gawore gi law abola, kendo duong’ mar Nyasaye Nyakalaga ema mondo obed osimbo misidho e wiyi,

³nikech Nyasaye dwaro mondo ogendini duto manie piny one duong’ ma in-go.

⁴Kendo nying ma Nyasaye biro chaki en, “Kue-ma-dimbruok-kelo”, kendo ni, “Duong’-ma-luoro-Nyasaye-kelo.”

⁵In Jerusalem, a malo ichung’ kama oting’ore, mondo ing’i yo wuokchieng’, ine nyithindi kaduogo koa yo wuokchieng’ gi yo podho chieng’ nikech Nyasaye maler ema osegolo chik mondo giduogi. Gimor ahinya, nikech Nyasaye oseparogi.

⁶Kata obedo ni ne giweyi ka giwuotho gi tiendegi ka wasikgi sembogi, to koro Nyasaye oduogogi gi duong’, koting’gi ka ruodhi!

⁷Nyasaye osechano mondo gode maboyo duto opie, kendo honi opong’, mondo piny obed motarore, mondo jo-Israel owuoth maonge chwanyruok, ka duong’ maler mar Nyasaye oritogi.

⁸Nyasaye biro chiko bunge gi yien duto mang’ue mamit mondo okel ni jo-Israel tipo,

⁹nimar Nyasaye nomi jo-Israel mor, komenyonigi yo gi ler mar duong’ne, kendo kokowogi gi ng’wono kod adierane. Ma e barua mane Jeremia ooro ni jo-Israel mane ruodh Babulon oikore daro mondo oter Babulon, konyisogigo weche mane Nyasaye omiye.