Read luo Ezekiel 15 Bible Online

Ezekiel 15 - luo bible

Ezekiel 15

¹Ruoth Nyasaye nowachona niya,

²“Wuod dhano, Ere kaka yadh mzabibu ber moloyo yien mamoko? Koso ere kaka bade ber moloyo bad yath moro amora?

³Bende dilos kode gimoro maber? Koso ding’ad bade mi igur e kor ot mondo ong’awie gik moko?

⁴Ooyo, ibole mana e mach mondo ochwake. To kosebole e majno kamanoo, mi bathe koni gi koni owang’, kendo kore odong’ korewore, bende pod dilos kode gimoro malong’o?

⁵Kane pok owang’, to onge gima ne inyalo timo kode, to koro kosewang’, mi kore orewore, to dobed maonge tich machal nadi?”

⁶Kuom mano, an Ruoth Nyasaye awacho niya, “Kaka yadh mzabibu itong’oe bungu, kendo ichwako, e kaka abiro kawo jo-Jerusalem

⁷mi akum. Kata obedo ni gisetony e mach, to koro mach biro wang’ogi pep. Ka asekumogi kamano, to eka unung’e ni an e Ruoth Nyasaye.

⁸Giseweya, omiyo abiro loko pinygi thim. An Ruoth Nyasaye ema awacho kamano.”