Read luo Kwan 26 Bible Online

Kwan 26 - luo bible

Kwan 26

¹ Bang’ yamono, Ruoth Nyasaye nowacho ni Musa gi Eleazar jadolo ma wuod Harun niya,

²“Kwanuru oganda jo-Israel e dhoutgi, kundiko joma hikgi oromo piero ariyo kata mokadho kanyo, kendo moromo dhi e lweny,”

³Musa gi Eleazar nochoko ji duto ma hikgi piero ariyo kata mokadho kanyo,

⁴e piny Moab mamwalo, e bath aora Jordan kama omanyore gi Jeriko, kaka Ruoth Nyasaye nosechiko Musa. Jo-Israel mane owuok Misri e magi:

⁵Jo-Reuben ma wuod Israel makayo, kochan e dhoutgi, ne joka Hanok gi joka Palu

⁶gi joka Hezron gi joka Karmi.

⁷Mago ne dhout Reuben. Kar romb joma ondik nyinggi ne alufu piero ang’wen gi mia abiriyo kod piero adek.

⁸Wuod Palu ne Eliab,

⁹to yawuot Eliab ne Nemuel gi Dathan kod Abiram. Gin e Dothan gi Abiram mane joma ogen e oganda, to ne gipiem gi Musa kod Harun, mi giriwore gi jo-Korah mondo gipiem gi Ruoth Nyasaye.

¹⁰Bang’e piny nong’amo dhoge, mi omwonyogi kaachiel gi Korah, mi ogandagi norumo, kendo mach nowang’o ji mia ariyo gi piero abich kande. Ne gidoko ranyisi ma siemo ji.

¹¹To kata kamano jo-Korah ne ok otho duto.

¹²Jo-Simeon, kochan e dhoutgi ne joka Nemuel gi Joka Jamin gi joka Jakin

¹³gi joka Zera kod joka Saulo.

¹⁴Mago ne dhout joka jo-Simeon. Kar romb joma ondik nyinggi ne alufu piero ariyo gariyo gi mia ariyo.

¹⁵Jo-Gad, kochan e dhoutgi, ne joka Zefon gi joka Hagi gi joka Shuni

¹⁶gi joka Ozni gi joka Eri

¹⁷gi joka Arod kod joka Arieli.

¹⁸Mago ne dhout jo-Gad. Kar romb joma ondik nyinggi ne alufu piero ang’wen gi mia abich.

¹⁹Yawuot Juda ne Er gi Onan gi Shela gi Perez kod Zera. To Er gi Onan notho e piny Kanaan.

²⁰Jo-Juda, kochan e dhoutgi, ne joka Shela gi joka Perez kod joka Zera.

²¹Dhout Perez ne joka Hezron gi joka Hamul.

²²Mago ne dhout Juda. Kar romb joma ondik nyinggi ne alufu piero aabiriyo gauchiel gi mia abich.

²³Jo-Isakar kochan e dhoutgi ne joka Tola gi joka Pua

²⁴gi joka Jashub kod joka Shimron.

²⁵Mago ne dhout Isakar. Kar romb joma ondik nyinggi ne alufu piero auchiel gang’wen gi mia adek.

²⁶Jo-Zebulun kochan e dhoutgi ne joka Sered gi joka Elon kod joka Jaleel.

²⁷Mago ne dhout Zebulun. Kar romb joma ondik nyingi ne alufu piero auchiel gi mia abich.

²⁸Yawuot Josef ne Manase gi Efraim.

²⁹Jo-Manase kochan e dhoutgi ne joka Makir gi joka Gilead. (Gilead ne wuod Makir.)

³⁰Dhout Gilead ne Jezeer gi joka Helek

³¹gi joka Asriel gi joka Shekem

³²gi joka Shemida kod joka Hefer.

³³Zelofehad wuod Hefer nonywolo mana nyiri kende. Nyingi ne Mala gi Noa gi Hogla gi Milka kod Tirza.

³⁴Mago ne dhout Manase. Kar romb joma ne ondik nyinggi ne alufu piero abich gariyo gi mia abiriyo.

³⁵Jo-Efraim kochan e dhoutgi ne joka Shuthela gi joka Beker kod joka Tahan.

³⁶Dhood Shuthela ne joka Eran.

³⁷Mago ne dhout Efraim. Kar romb joma ondik nyinggi ne alufu piero adek gariyo gi mia abich. Mago duto ne joka Josef, kochan e dhoutgi.

³⁸Jo-Benjamin kochan e dhoutgi ne joka Bela gi joka Ashbel gi joka Ahiram

³⁹gi joka Shufam kod joka Hufam.

⁴⁰Yawuot Bela ne Ard gi Naaman. Dhout Bela ne joka Ard gi joka Naaman.

⁴¹Mago ne dhout Benjamin. Kar romb joma ondik nyinggi ne alufu piero ang’wen gabich gi mia auchiel.

⁴²Jo-Dan kochan e dhoodgi ne joka Shuham. Mano ne dhood Dan.

⁴³Kar romb joka Shuhan ma ondik nyinggi ne alufu piero auchiel gang’wen gi mia ang’wen.

⁴⁴Jo-Asher kochan e dhoutgi ne joka Imna gi joka Ishvi kod joka Beria.

⁴⁵Dhout Beria ne joka Heber gi joka Malkiel.

⁴⁶Bende Asher ne nigi nyako ma nyinge Sera.

⁴⁷Mago ne dhout Asher. Kar romb joma ondik nyinggi ne alufu piero abich gadek gi mia ang’wen.

⁴⁸Jo-Naftali kochan e dhoutgi ne joka Jazeel gi joka Guni

⁴⁹gi joka Jezer kod joka Shilem.

⁵⁰Mago ne dhout Naftali, kochan e utgi. Kar romb joma ondik nyinggi ne alufu piero ang’wen gabich gi mia ang’wen.

⁵¹Kamano kar romb jo-Israel duto ne ji alufu mia auchiel gi achiel, kod mia abiriyo gi piero adek. (601,730)

⁵² Ruoth Nyasaye nowacho ni Musa niya,

⁵³“Nyaka pog piny gi dhoudi mana maromre gi kar joma ondik nyinggi.

⁵⁴Oganda maduong’ inimi lowo maduong’, to oganda matin nimi matin. Oganda ka oganda nopogne lowo maromre gi kar romb joma ondik nyinggi.

⁵⁵Kata kamano unupog piny mana gi ombulu,

⁵⁶mi dhoot ka dhoot noyud lowo maromre gi kar romb nying joma ondik e dhoodgi. Lowo nopog gi ombulu ni ogendni madongo gi matindo bende.”

⁵⁷Jo-Lawi mondik nyinggi kochan e dhoutgi ne joka Gershon gi joka Kohath kod joka Merari.

⁵⁸Dhout Lawi ne joka Libni gi joka Hebron gi joka Mali gi joka Mushi kod joka Korah. Kohath ne wuon Amram,

⁵⁹to chi Amram ne nyinge Jokebed nyar Lawi, mane Lawi onywolo Misri. Jokebed nonywolo ni Amram nyithindo ma nyinggi Harun gi Musa kod Miriam ma nyamin-gi.

⁶⁰ Yawuot Harun ne Nadab gi Abihu gi Eleazar kod Ithamar.

⁶¹ To Nadab gi Abihu notho nikech ne giyiego mach ma ok ni kare e nyim Ruoth Nyasaye.

⁶²Kar romb jo-Lawi ma chwo, chakre ja due achiel kadhi nyime, ne alufu piero ariyo gadek. Nondik nyinggi mopogore gi dhout Israel mamoko, nikech ne ok opognigi lowo kaka ipogo ni dhout Israel mamoko.

⁶³Mago e nying jo-Israel mane Musa gi Eleazar jadolo ondiko e piny Moab mamwalo e bath aora Jordan kama omanyore gi Jeriko.

⁶⁴To onge ja-Israel moro kata achiel mane Musa gi Harun jadolo okwano e thim Sinai, mane okwan e kweno mar ariyoni,

⁶⁵ nimar Ruoth Nyasaye nosewacho ni nyaka githo giduto e thim. Onge ng’ato kuomgi mane pod ngima, mak mana Kaleb wuod Jefune kod Joshua wuod Nun.