Read luo Kwan 29 Bible Online

Kwan 29 - luo bible

Kwan 29

¹“Due achiel due mar abiriyo, nyaka ubed gi chokruok mar lemo, kendo ok unuti tijeu mapile. Mano en chieng’ mor mugoyoe tung.’

²Unuchiw nyarwath achiel gi im achiel kod nyiimbe abiriyo ma hikgi achiel achiel mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

³To misango mar cham michiwo gi nyarwath nobed mogo moromo kilo apar moruw gi mo, to michiwo gi im nobed kilo abiriyo,

⁴kendo michiwo gi nyaim ka nyaim, kilo adek.

⁵Bende nyaka uchiw nywok mondo otimgo misango mar golo richo, upwodhrugo.

⁶Mago duto nyaka utim kumedo ewi misango miwang’o pep mitimo due ka due, kendo mitimo pile, kaachiel gi misengni mag cham gi miolo piny, michiwogigo kaka chik dwaro. En misango miwang’o mondo odum tik mamit ni Ruoth Nyasaye.

⁷ “Due apar due mar abiriyono nyaka ubed gi chokruok maler, kendo nyaka usandru kuriyo kech, bende kik uti tich moro amora.

⁸Unuchiw nyarwath achiel gi im achiel kod nyiimbe abiriyo ma hikgi achiel achiel mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

⁹Misango mar cham michiwo gi nyarwath nobed mogo moromo kilo apar moruw gi mo, to michiwo gi im nobed kilo abiriyo,

¹⁰kendo michiwo gi nyaim, kilo adek.

¹¹Bende nyaka uchiw nywok mondo otimgo misango mar golo richo, kumedo ewi misango mipwodhogo richo, kod misango miwang’o pep mitimo pile, kaachiel gi misango mar cham kod miolo piny michiwo kodgi.

¹² “Due apar gabich due mar abiriyo, nyaka ubed gi chokruok mar lemo. Ok unuti tijeu mapile, to nyaka utim ni Ruoth Nyasaye sawo kuom ndalo abiriyo.

¹³Unuchiw nyiruedhi apar gadek gi imbe ariyo kod nyiimbe apar gang’wen ma hikgi achiel achiel, mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

¹⁴Misango mar cham michiwo gi nyarwath ka nyarwath nobed mogo moromo kilo apar moruw gi mo, to michiwo gi im ka im nobed kilo abiriyo,

¹⁵kendo michiwo gi nyaim ka nyaim, kilo adek.

¹⁶Bende nyaka uchiw nywok mondo otimgo misango mar golo richo, kumedo ewi misango miwang’o pep mitimo pile, kaachiel gi misango mar cham kod miolo piny michiwego.

¹⁷“Chieng’ mar ariyo unuchiw nyiruedhi apar gariyo gi imbe ariyo kod nyiimbe apar gang’we ma hikgi achiel achiel mondo otimgo misango. Jamnigo duto nyaka bed maonge songa.

¹⁸Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

¹⁹Bende nyaka uchiw nywok achiel mondo otimgo misango mar golo richo, kumedo ewi misango miwang’o pep mitimo pile, kod misango mar cham gi milo piny michiwego.

²⁰“Chieng’ mar adek unuchiw ruedhi apar gachiel gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge gi songa.

²¹Misengni mag cham kod milo piny nyaka bed moketio kaka chik dwaro, maromre gi kar romb jamnigo.

²²Bende nyaka uchiw nywok achiel mondo timgo misango mar golo richo, kumedo ewi misango miwang’o pep mitimo pile, kod misango mar cham gi miolo piny michiwego.

²³“Chieng’ mar ang’wen unuchiw ruedhi apar gi imbe ariy kod nyiimbe apar gang’wen ma hikgi achiel achiel mondo timgo misango. Jamnigo duto nyaka bed maonge songa.

²⁴Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

²⁵Bende nyaka uchiw nywok achiel mondo timgo misango mar golo richo, kumedo ewi misango miwang’o pep mitimo pile, kod misango mar cham gi milo piny michiwego.

²⁶“Chieng’ mar abich unuchiw ruedhi ochiko gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge songa.

²⁷Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

²⁸Bende nyaka uchiw nywok achiel mondo otimgo misango mar golo richo, kumedo ewi misango miwang’o pep mitimo pile, kod misango mar cham gi miolo piny michiwego.

²⁹“Chieng’ mar auchiel unuchiw ruedhi aboro gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge songa.

³⁰Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

³¹Bende nyaka uchiw nywok achiel mondo timgo misango mar golo richo kumede ewi misango miwang’o pep mitimo pile, kod misango mar cham gi misango miolo piny michiwego.

³²“Chieng’’ mar abiriyo unuchi ruedhi abiriyo gi imbe ariyo kod nyiimbe apar gang’wen ma hikgi achiel achiel mondo otimgo misango. Jamnigo duto nyaka bed maonge songa.

³³Misengni mag cham kod miolo piny nyaka bed moketi kaka chik dwaro, maromre gi kar romb jamnigo.

³⁴Bende nyaka uchiw nywok achiel mondo otimgo misango mar golo richo kumedo ewi misango miwang’o pep mitimo pile, kod misango mar cham gi misango miolo piny michiwego.

³⁵“Chieng’ mar aboro unutim nyasi mitiekogo chokruok, kendo ok unuti tijeu mapile.

³⁶Nyaka uchiw rwath achiel gi im achiel kod nyimbe abiriyo ma hikgi achiel achiel, mondo otimgo misango miwang’o pep madum tik mamit ni Ruoth Nyasaye. Jamnigo duto nyaka bed maonge songa.

³⁷Misengni mag cham kod miolo piny michiwogo ruedhi gi imbe kod nyiimbe nyaka bed moketi kaka chik dwaro maromre gi kar romb jamnigo.

³⁸Bende nyaka uchiw nywok achiel mondo otimgo misango mar golo richo, kumedoe misango miwang’o pep mitimo pile, kod misango mar cham gii milo piny michiwego.

³⁹“Mago e misengni ma nyaka utim ni Ruoth Nyasaye e sewni moketi, kumedo ewi misengni muchopogo kuong’ruok, gi muchiwo kuom herou, gi miwang’o pep gi mag cham gi miolo piny kod mag sawo.”

⁴⁰Musa nonyiso jo-Israel mana kaka Ruoth Nyasaye nochike.