Read luo Kwan 31 Bible Online

Kwan 31 - luo bible

Kwan 31

²“Inimi jo-Israel chul kuor ni jo-Midian. Bang’ mano ibiro tho, miluw kwereni.”

³Omiyo Musa nowacho ni jo-Israel niya, “Yieruru jou moko, mondo odhi oked gi jo-Midian, ochulnigi kuor e nying Ruoth Nyasaye.

⁴Nyaka ugol ji alufu achiel achiel e dhoot ka dhoot mar Israel.”

⁵Kamano noluong jo-Israel alufu apar gariyo moikore ni lweny, ka ogol ji alufu achiel achiel e dhoot ka dhoot.

⁶Musa nooro jolwenygo gi Finehas wuod Eleazar jadolo mane oting’o gik lemo mag Kama Ler kod tunge migoyo mondo ji ogo sigich lweny. Ji alufu achiel achiel noa e dhoot ka dhoot.

⁷Ne gikedo gi jo-Midian kaka Ruoth Nyasaye nochiko Musa, mi ginego jogi machwo duto.

⁸To bende ne ginego Evi gi Rekem gi Zur gi Hur kod Reba, mane ruodhi abich mag Midian, kaachiel gi Balaam wuod Beor.

⁹Jo-Israel nomako mond jo-Midian gi nyithindgi, kendo ne giyako jambgi kod mwandugi duto.

¹⁰Ne giwang’o miechgi duto, kod kuondegi mag buoro.

¹¹Bang’e ne gikawo jamni kod gik moko duto mane giyako, kaachiel gi joma ne gimako,

¹²mi gitero ir Musa gi Eleazar jadolo kod oganda jo-Israel e kambi mane ni e piny Moab mamwalo but aora Jordan kama omanyore gi Jeriko.

¹³Musa gi Eleazar jadolo gi jodong oganda duto nodhi romo ni jolwenygo e dho kambi oko.

¹⁴To Musa nokecho gi jotend ogend lweny madongo gi matindo mane duogo koa e lweny,

¹⁵mopenjogi niya, “Ere gimomiyo useweyo mon-gi mak unego?

¹⁶ Donge ung’eyo ni ka ne Balaam osea gweng’ Peor, to mon-go ema nobet kawuondo jo-Israel mondo owe Ruoth Nyasaye, mi mano nomiyo tho ogoyo oganda Ruoth Nyasaye?

¹⁷Emomiyo neguru nyithindo machwo duto, kaachiel gi mon duto,

¹⁸to uwe nyiri ma pok ong’eyo chwo, mondo ukaw.

¹⁹To ng’ato ka ng’ato kuomu moseneko, kata mosemulo ng’at motho, nyaka dong’ oko mar kambi kuom ndalo abiriyo. Gudreuru chieng’ mar adek kod chieng’ mar abiriyo, kendo upwodh joma umako e lweny.

²⁰Bende pwodhuru lewni duto gi gimoro amora molos gi pien, kata gi yie diel mokadi, kata gi bao.”

²¹Eleazar jadolo nowacho ni jolweny mane dwogo koa e lweny niya, “Ma e chik achiel kuom chike mane Ruoth Nyasaye omiyo Musa.

²²Gimoro amora manyalo tamo mach wang’o, kaka dhahabu gi fedha gi mula gi nyinyo gi opanga kod lisasi, nyaka uketi e mach, eka obed maler. To kata kamano nyaka pwodhgi gi pi mar pwodhruok. Bende gimoro amora ma mach nyalo ketho nyaka lwok e pigno.

²³

²⁴Chieng’ mar abiriyo nyaka ulwok lepu, mi ubed maler, eka bang’e unyalo dwogo e kambi.”

²⁵Ruoth Nyasaye nowacho ni Musa niya,

²⁶“Un gi Eleazar jadolo kod jodong dhout oganda mondo ukwan jamni gi gik moko moyaki, kaachiel gi joma omak e lweny.

²⁷Bang’e poguru gigo maromre e kind jolweny mane odhi kedo, kod ji duto mane odong’.

²⁸Kuom mago mopogni jolweny, ugolie achiel kuom mia abich abich, bed ni gin ji kata dhok kata kenje kata rombe, mondo obed chiwo momi Ruoth Nyasaye.

²⁹Gik mugolo kuom pok jolwenygo nyaka mi Eleazar jadolo kaka chiwo ni Ruoth Nyasaye.

³⁰To kuom gik mopog ni jo-Israel modong’, ugolie achiel kuom piero abich abich, bed ni gin ji kata dhok kata kenje kata rombe, omi jo-Lawi ma jorit Hema Maler mar Ruoth Nyasaye.”

³¹Musa gi Eleazar jadolo ne jotimo kaka Ruoth Nyasaye nochiko Musa.

³²To gik moyaki, ka ok okwan mago mane jolweny okawo e magi: Rombe alufu mia auchiel gi piero abiriyo gabich (675,000)

³³Gi dhok alufu piero abiriyo gariyo,

³⁴kod kende alufu piero auchiel gachiel,

³⁵kaachiel gi nyiri alufu piero adek gariyo ma pok ong’eyo chwo.

³⁶Kamano gik mane omi joma ne okedo e lweny

³⁷ne rombe alufu mia adek gi piero adek gabiriyo kod mia abich, (337,500)

³⁸Gi dhok alufu piero adek gauchiel,

³⁹kod kenje alufu piero adek gi mia abich,

⁴⁰kaachiel gi ji alufu apar gauchiel. Kuom mano, pok mane ogol mondo ochiw ni Ruoth Nyasaye ne rombe piero abiriyo gariyo, gi dhok mia auchiel gi piero abiriyo gabich, kod kenje piero auchiel gachiel, kaachiel gi ji piero adek gariyo.

⁴¹Musa nomiyo Eleazar jadolo pok mane ogol ni Ruoth Nyasaye, kaka Ruoth Nyasaye nochike.

⁴²To gik mane odong’ ni jo-Israel, tiende ni mago mane Musa oketo tenge komiyo jolweny pokgi,

⁴³ne rombe alufu mia adek gi piero adek gabiriyo gi mia abich, (337,500)

⁴⁴gi dhok alufu piero adek gauchiel

⁴⁵kod kenje alufu piero adek gi mia abich,

⁴⁶kaachiel gi ji alufu apar gauchiel.

⁴⁷Kuom gik mane opogni oganda jo-Israelgo, Musa nogolo achiel kuom piero abich abich, bed ni gin ji kata jamni, momiyo jo-Lawi mane jorit Hema Maler mar Ruoth Nyasaye kaka Ruoth Nyasaye nochike.

⁴⁸Bang’e jotend ogend lweny madongo gi matindo nobiro ir Musa,

⁴⁹nowachone niya, “Jaduong’, wasekwano jolweny mawa duto mwayudo ni gintie gite.

⁵⁰Kuom mano wasekelo gik molos gi dhahabu mane wayako, kaka thiwni gi manyonge gi tere gi stadi kod tigo, mondo wachiw ni Ruoth Nyasaye ka gik mwawarogo ngimawa.”

⁵¹Eka Musa gi Eleazar jadolo nokawo gik molos gi dhahabugo kuom jotelo madongo gi matindo.

⁵²Pek chiwo mar dhahabu mane gimiyo Ruoth Nyasaye noromo kilo mia ariyo,

⁵³nimar jalweny ka jalweny noseyako.

⁵⁴Kamano Musa gi Eleazar jadolo noyudo dhahabu kuom jotend ogend lweny madongo gi matindo, mi ne gikelo e Hema Miromoe gi Nyasaye mondo Ruoth Nyasaye opargo jo-Israel.