Read luo Kwan 33 Bible Online

Kwan 33 - luo bible

Kwan 33

¹Kane Musa gi Harun otelo ni jo-Israel e dhoutgi ka giwuok e piny Misari,

²Musa nondiko nying kuonde mane gibworoe mana kaka Ruoth Nyasaye nochiko, kendo magi e kuonde mane gibworoe gogo:

³Jo-Israel noa Ramases chieng’ due apar gabich mar due mokwongo, ma en chieng’ maluwo chieng’ Pasaka. Ne giwuok ka jo-Misri nenogi, to ne ok gidewo.

⁴Jo-Misri noyudo yiko nyithindgi makayo duto mane Ruoth Nyasaye onego, kang’adogo bura ni nyisechegi.

⁵Jo-Israel noa Ramases, modhi oguro kambi Sukoth.

⁶Eka ne gia Sukoth, mi gidhi giguro kambi Etham e bath thim.

⁷Ne gia Etham, mi gidok chien but Pihahiroth, yo wuok chieng’ mar Baal-Zefon, mi giguro kambi kama omanyore gi Migdol.

⁸Bang’e ne gia Pihahiroth, mi ging’ado nam nyaka thim, kendo ne giwuotho kuom ndalo adek e thim Etham, mi giguro kambi kamoro miluongo ni Marah.

⁹Ka gia Marah, ne gidhi Elim kuma ne giyudoe sokni apar gariyo mag pi kod yiend othidhe piero abiriyo, mi giguro kambi kuno.

¹⁰Eka ne gia Elim, mi giguro kambi e bath Nam Makwar.

¹¹Ne gia e bath Nam Makwar, mi gidhi giguro kambi e thim Sin.

¹²Bang’e ne gia kanyo mi gidhi giguro kambi Dofka.

¹³Ne gia Dofka, mi gidhi giguro kambi Alush.

¹⁴Kane gia Alush, ne gidhi mi giguro kambi Refidim, kuma ne onge pi ma ji modhi.

¹⁵Eka ne gia Refidim, mi gidhi giguro kambi e thim Sinai.

¹⁶Ne gia e thim Sinai, mi gidhi giguro kambi Kibroth-hatava.

¹⁷Bange ne gia Kibroth-hatava mi gidhi giguro kambi Hezeroth.

¹⁸Ne gia Hezeroth, mi gidhi giguro kambi Rithma.

¹⁹Eka ne gia Rithma, mi gidhi giguro kambi Rimon-parez.

²⁰Ne gia Rimon-parez, mi gidhi giguro kambi Libna.

²¹Bang’e ne gia Libna, mi gidhi giguro kambi Risa.

²²Ne gia Risa mi gidhi giguro kambi Kehelatha.

²³Ne gia Kehelatha, mi gidhi giguro kambi e Got Shafer.

²⁴Kane gia got Shafer, ne gidhi mi giguro kambi Harada.

²⁵Eka ne gia Harada, mi gidhi giguro kambi Makeloth.

²⁶Bang’e ne gia Makeloth, mi gidhi giguro kambi Tahath.

²⁷Ne gia Tahath, mi gidhi giguro kambi Tara.

²⁸Ne gia Tara, mi gidhi giguro kambi Mithka.

²⁹Eka ne gia Mithka, mi gidhi giguro kambi Hashmona.

³⁰Ne gia Hashmona, mi gidhi giguro kambi Moseroth.

³¹Bang’e ne gia Moseroth, mi gidhi giguro kambi Bene-jaakan.

³²Ne gia Bene-jaakan, mi gidhi giguro kambi Horhagidgad.

³³Kane gia Horhagidgad, ne gidhi mi giguro kambi Jotbatha.

³⁴Ne gia Jotbatha, mi gidhi giguro kambi Ebrona.

³⁵Eka ne gia Ebrona, mi gidhi giguro kambi Ezion-geber.

³⁶Ne gia Ezion-geber, mi gidhi giguro kambi e thim Zin, ma en thim Kadesh.

³⁷Ne gia Kadesh, mi gidhi giguro kambi e got Hur, manie tong’ piny Edom.

³⁸ Eka Harun jadolo noidho got Hor kaka Ruoth Nyasaye nochike, mi otho kuno due achiel, due mar abich e higa mar piero ang’wen bang’ wuok jo-Israel e piny Misri.

³⁹Ne en jahigni mia achiel gi piero ariyo kane otho kuno.

⁴⁰ Ruodh Arad ma ja-Kanaan, mane odak yo milambo mar piny Kanaan, nowinjo ni jo-Israel biro.

⁴¹Kane gia got Hor ne gidhi mi giguro kambi Zalmona.

⁴²Ne gia Zalmona, mi gidhi giguro kambi Punon.

⁴³Eka ne gia Punon, mi gidhi giguro kambi Oboth.

⁴⁴Ne gia Oboth, mi gidhi giguro kambi Iye-Abarim e tong’ piny Moab.

⁴⁵Bang’e ne gia Iyim, gidhi giguro kambi Dibon-gad.

⁴⁶Kane gia Dibon-gad, ne gidhi mi gidhi giguro kambi Almon-diblathaim.

⁴⁷Ne gia Almon-diblathaim, mi gidhi giguro kambi e gode mag Abarim, yo wuok chieng’ mar Nebo.

⁴⁸Ne gia e gode mag Abarim, mi gidhi giguro kambi e piny Moab, mamwalo e bath aora Jordan, kama omanyore gi Jeriko.

⁴⁹Kambigino nochakore Beth-Jeshimoth, moyarore nyaka Abel-shitim e piny Moab ma mwalo.

⁵⁰Ruoth Nyasaye nowuoyo gi Musa e piny Moab mamwalo e bath aora Jordan, kama omanyore gi Jeriko,

⁵¹mowachone mondo onyis jo-Israel niya, “Koro uchiegni ng’ado aora Jordan mondo udonj e piny Kanaan.

⁵²Nyaka uriemb ji duto modak e pinyno mondo owenu thuolo, kendo uketh kido maggi mopa kod mag mula moleny

⁵³Kawuru pinyni mi udagie, nimar asemiyougo mondo obed maru.

⁵⁴ Nyaka upoge gi ombulu e kind dhoutu, mondo dhoot ka dhoot oyud lope. Dhoot maduong’ nyaka yud lowo maduong’ to dhoot matin nyaka yud matin. Pognigiuru mana kaka ombulu owacho, ka dhoot ka dhoot kendo joot ka joot yudo lopgi.

⁵⁵To ka ok uriembo joma odak e pinyno mondo owenu thuolo, to joma uweyogo nobednu kaka pedo mandhodho wang’u, kendo ka kudho machwowo dendu. Ginibed ka gilaro kodu piny mudakieno,

⁵⁶kendo gima naparo timonigi, ema natimnu.”