Read luo Malaki 4 Bible Online

Malaki 4 - luo bible

Malaki 4

¹Ruoth Nyasaye Manyalo Gik Moko Duto owacho niya, “Winjuru, ndalo biro ma josunga gi joma richo duto nowang’ie ka tiang’. Chieng’no giniwang’ adier, kendo onge gima nodong’ kuomgi.

²To un joma oluoro nyinga tekona nopilre kuomu ka wang’chieng’ ma kelo ler, mi noresu, kendo ler mare nobed gima changou. Unubed joma ni thuolo kendo mail ka nyiroye moyawnigi abila.

³Chieng’ ma ang’adoe bura, unulo joma timbegi richo, kendo ginichalnu ka buru munyono.

⁴“Paruru puonj mag Musa jatichna gi chike mane amiye e got Horeb, ni mondo jo-Israel duto oluw.

⁵ “To ka pok chieng’ maduong’ kendo malich mar Ruoth Nyasaye ochopo, abiro oro Elija janabi,

⁶mondo ochak okel winjruok e kind wuone gi nyithindo, nono to abiro, mi aketho pinyu chuth!”