Read luo Mathayo 1 Bible Online

Mathayo 1 - luo bible

Mathayo 1

¹Anywola mar Yesu Kristo ma nyakwar Daudi, kendo nyawar Ibrahim e ma:

²Ibrahim nonywolo Isaka, to Isaka nonywolo Jakobo. Jakobo nonywolo Juda gi owetene,

³to Juda nonywolo Perez gi Zera, ma min-gi ne Tamar. Perez nonywolo Hezron, to Hezron nonywolo Ram.

⁴Ram nonywolo Aminadab, to Aminadab nonywolo Nashon. Nashon nonywolo Salmon, Ram nonywolo Aminadab, to Aminadab nonywolo Nashon. Nashon nonywolo Salmon,

⁵to Salmon nonywolo Boaz gi chiege ma Rahab. Boaz nonywolo Obed gi chiege ma Ruth, to Obed nonywolo Jesse.

⁶ Jesse to nonywolo Daudi ma ruoth. Daudi nonywolo Solomon gi chi Uria,

⁷Solomon nonywolo Rehoboam, to Rehoboam nonywolo Abija. Abija nonywolo Asa,

⁸to Asa nonywolo Jehoshafat. Jehoshafat nonywolo Joram, to Joram nonywolo Uzia.

⁹Uzia nonywolo Jotham, to Jotham nonywolo Ahaz. To Ahaz nonywolo Hezekia,

¹⁰To Hezekia nonywolo Manase. Manase nonywolo Amon, to Amon nonywolo Josia.

¹¹Josia nonywolo Jekonia gi owetene e ndalo mane odarie jo-Israel kitero Babulon.

¹²To bang’ darogi, Jekonia nonywolo Shealtiel, to Shealtiel nonywolo Zerubabel.

¹³Zerubabel nonywolo Abiud, to Abiud nonywolo Eliakim. Eliakim nonywolo Azor,

¹⁴to Azor nonywolo Zadok. Zadok nonywolo Akim, to Akim nonywolo Eliud.

¹⁵Eliud nonywolo Eliezar, to Eliezar nonywolo Mathan. Mathan nonywolo Jakobo,

¹⁶to Jakobo nonywolo Josef chwor Maria. Maria to ema nonywolo Yesu miluongo ni Mesia.

¹⁷Kamano gin tienge apar gang’wen, chakre Ibrahim nyaka Daudi, kendo tienge apar gang’wen bende, chakre Daudi nyaka chop kinde mane odarie jo-Israel kitero Babulon. Bang’e nitie tienge apar gang’wen, chakre kinde mane odargieno nyaka ndalo nywol Mesia.

¹⁸ Nywol mar Mesia ne chalo kama: Kane Josef osemako keny Maria min Yesu, to pok gikendore, Maria noyudo ni osemako ich kuom teko mar Roho Maler.

¹⁹To Josef mane kende, ne ng’at ma kare, kendo kaka ne ok odwar kuodo wiye, nochano mondo oketh keny ling’ling’.

²⁰To kane oyudo pod oparo wach, malaika mar Nyasaye nofwenyorene e lek, mowachone niya, “Josef nyakwar Daudi, kik iluor kawo Maria obed chegi, nikech ich ma en gono oyudo kuom teko mar Roho Maler.

²¹ Obiro nywolo wuowi, mi ichak ni Yesu, tiende ni Jawar, nikech enowar joge kuom richogi.”

²²Mago duto notimre mondo ochop wach mane Ruoth Nyasaye osemiyo janabi owacho niya:

²³ “Nyako nomak ich, mi nonywol wuowi, kendo nochake ni Emanuel, tiende ni, Nyasaye ni kodwa.”

²⁴Kuom mano, kane Josef ochiew oa e nindo, nokawo Maria obedo chiege, kaka malaika mar Ruoth nosewachone,

²⁵ to ne ok oriwore kode nyaka onywolo wuode. Josef nochako wuowino ni Yesu.