Read luo Joshua 12 Bible Online

Joshua 12 - luo bible

Joshua 12

¹ Jo-Israel nosekawo piny duto man yo wuokchieng’ mar aora Jordan, chakre aora Arnon, koluwo aora Jordan nyaka got Hermon, kendo ne ginego ruodhi mag pinyno.

²Ne ginego Sihon, ruodh jo-Amor ma nodak Heshbon. Pinye nochakore Aroer man but holo mar Arnon, koluwo holono. Piny Gilead konchiel nyaka aora Jabok motimo tong’ Amon bende

³ne nie pinye kaachiel gi piny man yo wuok chieng’ mar aora Jordan, chakre Nam Galili nyaka Nam Araba, miluongo ni Nam Kado, koluwo yor Beth-jeshimoth, kochomo yo milambo nyaka got Pisga.

⁴Bende ne ginego Og ruodh Bashan, ma nodak Ashtaroth gi Edrei. Ne en achiel kuom jo-Refaim manok ma nodong’.

⁵Got Hermon gi Saleka kod Bashan duto mochopo e mbap Geshur gi Maakath kod Gilead komachielo nyaka mbap Sihon ruodh Heshbon ne nie pinye.

⁶ Musa jatich Nyasaye kod jo-Israel nonegogi duto, mokawo pinygi. Nomiyo jo-Reuben gi jo-Gad kod jo-Manase konchiel pinyno mondo obed margi.

⁷Joshua kod jo-Israel nonego ruodhi modak e piny man yo podho chieng’ mar aora Jordan, chakre Baal-gad e holo mar Lebanon, nyaka got Halak man but Seir. Joshua nokawo pinygi mopogo ni dhout Israel mondo obed margi.

⁸Ne en piny gode gi pewe gi holo mar aora Jordan gi kuonde motimo thidhiya gi piny milambo. Kuondego ema jo-Hiti gi jo-Amor gi jo-Kanaan gi jo-Perizi gi jo-Hivi kod jo-Jebus odakie.

⁹Ne ginego ruodhi mag Jeriko gi Ai man but Bethel,

¹⁰gi Jerusalem gi Hebron

¹¹gi Jarmuth gi Lakish

¹²gi Eglon gi Gesher

¹³gi Debir gi Geder

¹⁴gi Horma gi Arad

¹⁵gi Libna gi Adulam

¹⁶gi Makeda gi Bethel

¹⁷gi Tapia gi Hefer

¹⁸gi Afek gi Sharon

¹⁹gi Madon gi Hazor

²⁰gi Shimron-meron gi Akshaf

²¹gi Taanak gi Megido

²²gi Kedesh gi Jokneam-karmel

²³gi Dor e piny Dor gi Gaim-galili

²⁴kod Tirza. Giduto ne gin ruodhi piero adek gachiel.