Read luo Joshua 15 Bible Online

Joshua 15 - luo bible

Joshua 15

¹Piny ma nopog ni dhout Juda gi ombulu nogik yo milambo e mbap jo-Edom man e thim Zin.

²Mbapgi ma yo milambono nochakore yo milambo mar Nam Kado,

³koluwo yor Akrabim, mokadho Zin, kochomo yo milambo mar Kadesh-barnea. Eka nokadho Ezron nyaka Adar, mogomo kochomo Karka

⁴nyaka Azmon, kendo noluwo aora manie tong’ piny Misri nyaka Nam Mediterenia. Mano e mbapgi ma yo milambo.

⁵Nam Kado nyaka dho aora Jordan ema nobedo mbapgi ma yo wuok chieng’. To mbapgi ma yo nyandwat nochakore e dho aorano,

⁶modhi nyaka Beth-hogla, kokadho yo nyandwat mar Beth-araba, mochopo nyaka Lwanda Bohan wuod Reuben.

⁷Eka noluwo holo mar Akor nyaka Debir, kochomo yo nyandwat nyaka Gilgal, machiegni gi yo maidho Adumin man yo milambo mar aora. Eka nokadho kuonde thidhiya man En-shemesh, mochopo En-rogel.

⁸Noluwo holo mar Ben-hinom, yo milambo mar; piny gode mane jo-Jebus odakie, ma tinde ogerie Jerusalem. Noidho got momanyore gi holo Hinom yo podho chieng’, ma en giko holo mar Refaim.

⁹Noluwo wi godno molor nyaka soko mar Neftoa, kendo nyaka mier man e got Efron. Kosekadho miego, nogomo kochomo Baala, miluongo bende ni Kiriath-jearim.

¹⁰Koa Baala, nochiko got Seir, mokadho yo nyandwat mar got Jearim, miluongo bende ni Kesalon, nyaka Beth-shemesh, mochopo Timna.

¹¹Eka nochomo yo nyandwat nyaka Efron, mogomo kochiko Shikeron. Bang’ mano nokadho got Baala, kendo nodhi Jabneel, mogik e Nam Mediterenia.

¹²Nam Mediterenia ema notimo tong’ pinygi ma yo podho chieng’. Mano e tong’ ma nolworo dhout Juda duto.

¹³ Nopog ni Kaleb wuod Jefune dir piny jo-Juda, kaka Ruoth Nyasaye nosechiko Joshua. Pok ma noyudono ne en Hebron, dala mar Arba, kwar jo-Anak.

¹⁴Kaleb nodaro jo-Anak adek ma nodak kuno, ma nyinggi Sheshai gi Ahiman kod Talmai. Ne gin nyikwa Anak.

¹⁵Bang mano, nodhi momonjo joma nodak Debi, ma chon niluongo ni Kiriath-sefer.

¹⁶Eka nowacho niya, “Ng’at ma nokaw Kiriath-sefer ema nami Aksa nyara mondo okendi.”

¹⁷Othniel wuod Kenaz owadgi Kaleb ema nokawo dalano, omiyo Kaleb nomiye Aksa nyare mokendo.

¹⁸Kane Aksa odhi ir chwore, nojiwe mondo okwa wuon mare lowo, mi Aksa nodhi ir Kaleb, kendo kane oselor e kanje, Kaleb nopenje gima odwaro.

¹⁹Nodwoke niya, “Kaka iseketa e piny milambo motwoni, yie imiya sokni.” Kuom mano Kaleb nomiye sokni mamalo gi mamwalo.

²⁰Koro magi e mier duto mopog ni dhout Juda, kaachiel gi mier matindo ma nokiewo kodgi:

²¹Mier man yo milambo e tong’gi gi jo Edon ne gin Kabzeel gi Eder gi Jagur

²²gi Kina gi Dimona gi Arara

²³gi Kedesh gi Hazor gi Ithnan

²⁴gi Zif gi Telem gi Bealoth

²⁵gi Hazor-hadata gi Kerioth-hezron,

²⁶gi Amam gi Shema gi Molada

²⁷gi Hazar-gada gi Heshmon gi Beth-pelet

²⁸gi Hazar-shual gi Beer-sheba kod mier matindo mokiewo kode,

²⁹gi Baal gi Iyim gi Ezem

³⁰gi Eltolad gi Kesil gi Horma

³¹gi Ziklag gi madmana gi Sansana

³²gi Lebaoth gi Shilhim gi Ain kod Rimon. Giduto ne gin mier piero ariyo gochiko.

³³To mier mane giyudo e pewe ne gin Eshtaol gi Zora gi Ashna

³⁴gi Zanoa gi En-gamin gi Tapua gi Enam

³⁵gi Jarmuth gi Adulam gi Soko gi Azeka.

³⁶Gi Shaaraim gi Adithaim gi Gedera kod Gederathaim. Giduto ne gin mier apar gang’wen.

³⁷Bende jo-Juda noyudo Zenan gi Hadasha gi Migdal-gad

³⁸gi Dilan gi Mizpe gi Joktheel

³⁹gi Lakish gi Bozkath gi Eglon

⁴⁰gi Kabon gi Lamas gi Kithlish

⁴¹gi Gederoth gi Beth-dagon gi Naama kod Makeda. Giduto ne gin mier apar gauchiel.

⁴²Kendo ne giyudo Libna gi Ether gi Ashan

⁴³gi Ifta gi ashna gi Nezib

⁴⁴gi Keila gi Akzib kod Maresha. Giduto ne gin mier ochiko.

⁴⁵Ekron bende ne margi

⁴⁶kod mier duto mokiewo gi Ashdod, chakre Ekron nyaka Nam Mediterenia.

⁴⁷Ashdod gi Gaza, kod mieche mochopo nyaka aora manie tong’gi gi Misri, kendo nyaka Nam Mediterenia ne maggi bende.

⁴⁸To mier mane giyudo e piny gode ne gin Shamir, gi Jatir gi Soko

⁴⁹gi Dana gi Kiriath-sana, miluongo bende ni Debir,

⁵⁰Anab gi Eshtemoa gi Anim

⁵¹gi Goshen gi Holon kod Gilo. Giduto ne gin mier apar gachiel.

⁵²Kendo ne giyudo Arab gi Duma gi Eshan

⁵³gi Janim gi Beth-tapua gi Afek

⁵⁴gi Humta gi Kiriath-arba, miluongo bende ni Hebron, kod Zior. Giduto ne gin mier ochiko.

⁵⁵Nomigi bende Maon gi Karmel gi Zif gi Juta

⁵⁶gi Jezreel gi Jokdeam gi Zanoa

⁵⁷gi Kain gi Gibea kod Timna. Giduto ne gin mier apar.

⁵⁸To bende ne giyudo Halhul gi Beth-zur gi Gedor

⁵⁹gi Maarath gi Beth-anoth kod Eltekon. Giduto ne gin mier auchiel. Ne giyudo bende Tekoa gi Efratha, ma tinde iluongo ni Bethlehem, gi Peor gi Etam giu Kulom gi Tatam gi Sores gi Karem gi Galim gi Baither kod Manak. Giduto ne gin mier apar gachiel.

⁶⁰Kiriath-baal, miluongo ni Kiriath-jearim, kod Raba ne maggi bende.

⁶¹To mier mane giyudo e thim ne gin Beth-araba gi midin gi Sekaka

⁶²gi Nibshan gi Ir-melek kod Engedi. Giduto ne gin mier auchiel.

⁶³ Jo-Juda ne ok nyal riembo jo-Jebus ma nodak Jerusalem, omiyo pod gidak kodgi kuno, nyaka chil kawuono.