Read luo 1 Samuel 24 Bible Online

1 Samuel 24 - luo bible

1 Samuel 24

¹Kane Saulo oa riembo jo-Filistia, nonyise ni Daudi odak e thim Engedi.

²Omiyo noyiero ji alufu adek kuom jo-Israel duto, modhigo e thim mondo odwar Daudi gi joge yo wuok chieng’ mar Luendni mag Diek.

³ Nochopo e abilni mag rombe man but yo, kama ne nitie rogo, kendo nodonjo e rogono mondo olosre. To Daudi gi joge noyudo osedonjo e rogono, mobet piny gi yo ka iye.

⁴Joma ne Daudi nigo nowachone niya, “Kinde koro osechopo ma Ruoth Nyasaye oketoe jasiki e lweti kaka nosingore. Omiyo timne gima idwaro.”

⁶ To Daudi nowacho ni joge niya, “Ruoth Nyasaye mondo ogeng’a kik ahiny ruodha, kata mana lith lweta kik ater kuome, nikech en ng’at mowir ma Ruoth Nyasaye oyiero.”

⁷Kamano Daudi nogeng’o joge, mi ok oyienigi mondo gineg Saulo. To nochung’ mong’ado riak law Saulo ling’ling’. To ka nosetimo kamano chunye noridore. Saulo nowuok oa e rogo, modhi nyime gi wuodhe.

⁸Bang’e Daudi bende nowuok oa e rogo, mokok ni Saulo niya, “Ruoth!” Eka Saulo nogoyo machiemo, mong’iye. Daudi nogoyo chonge piny, ka miye duong’,

⁹mi owachone niya, “Marang’o iyie gi joma wacho ni Daudi dwaro timoni marach?

¹⁰Ne kaka Ruoth Nyasaye nende oketi e lweta ei rogo kawuono. Jomoko nende owachona ni mondo anegi, to naweyi. Nende awacho ni ok nater lweta kuom ruodha, nikech en ng’at mowir ma Ruoth Nyasaye oyiero.

¹¹Bende wuora, ng’i ine riak lawi manie lweta. Nang’ade to ne ok anegi. Mano nyalo nyisi ni aonge gi paro mar timoni marach kamano. Kata obedo ni ilawa mondo inega, an to pok akethoni.

¹²Ruoth Nyasaye mondo ong’ad bura e kindwa kodi, kendo en ema onyalo chuloni kuor kuom gima isetimona. To an awuon to ok natimni marach.

¹³Kaka ngech joma chon wacho ni, ‘Richo wuok e chuny joma richo.’ To an ok natimni marach.

¹⁴ En ng’a ma ruoth dwaro? Ilawo ng’a? Ilawo mana guok motho, ilawo mana kikun!

¹⁵Ruoth Nyasaye mondo ong’ad bura e kindwa kodi. En mondo oyalwa kodi, nikech ong’eyo ni ibiro chwaka, kendo wacho ni aonge ketho.”

¹⁶Kane daudi otieko nyiso Saulo wechegi, Saulo nopenje niya, “Daudii wuoda, mano dwondi koso?” Eka noywak matek,

¹⁷komedo wacho ni Daudi niya, “In ng’at makare moloya, nikech isetimona maber, to an to asetimoni marach.

¹⁸Ng’wono mitimona kawuono duong’ motamore gi nono, nikech Ruoth Nyasaye noketa e lweti, to ne ok inega.

¹⁹Ka ng’ato oyudo jasike, doweye mak onege koso? Emomiyo Ruoth Nyasaye mondo omiyi pok maber kuom tim misetimona kawuono.

²⁰Koro an gi ratiro ni inibed ruoth, kendo piny Israel nodhi nyime maber e bwo lochni.

²¹Koro kuong’rina e nying Ruoth Nyasaye ni ok nitiek nyikwaya kata ok niruch nyinga kuom dhoodwa.”

²²Mi Daudi nokuong’orene kamano. Eka Saulo nodok dala, to Daudi gi joge nodok e rogo mane gidakie.