Read maale ማቲዎሴ 12 Bible Online

ማቲዎሴ 12 - maale bible

ማቲዎሴ 12

¹ዬያኮ ጊንፃፓ ዬሱሴ ዓይሁዶ ዓሶኮ ሃውሾ ኬሎ''ና ፔቴ'' ዛርጎ ጎሺ ጊዴና ዓኣዻንቴ ዒዛኮ ጊንፆ ሃንታዞንሢ ናይዺንቴሢሮ ዛርጎ ቲሻሢ ዱኡዚ ዱኡዚ ዔኪ ዻዒሢ ዓርቄኔ።

²ፔርሴ ዓሳ ዬያ ዛጋዖ ዬሱሴ ኮራ፦ «ሃኣዛጌ፤ ኔኤኮ ጊንፆ ሃንታዞንሢ ሃውሾ ኬሎ''ና ዓይሢንቲባኣ ባኣዚ'' ማዻኔ!» ጌዔኔ።

³ዬሱሴ ማሃዖ፦ «ዳውቴና ዒዛና ዎላ'' ዓኣ ዓሳ ናይዺንቴ ዎዶ''ና ዳውቴ ማዼ ባኮ ፔቴ''ታዖ ዒንሢ ናባቢባኣዓዳ?

⁴ዒዚ ዒማ''ና ጌኤዦ ማኣሪ ጌሊ፥ ቄኤሶይዳፓ ዓታዛ ዒዛንታ ዒዛና ዎላ'' ዓኣ ዓሶንታ ሙዓኒ ዳንዳዑዋ ፆኦሲም ዱማዼ ካሦ ሙዔኔ።

⁵ሃሣ ቄኤሳ ሃውሾ ኬሎ''ና ጌኤዦ ማኣሮይዳ ሃውሾ ኬሎ'' ሻቲ ማሂ ማዼቶ ዻቢንቲ ማዒ ፓይዲንቱዋሴ ጌይንቲ ሙሴ ዎጎይዳ ፃኣፒንቴሢ ዒንሢ ናባቢባኣዓዳ?

⁶ጋዓንቴ ጌኤዦ ማኣሮይዳፓ ባሻይ ሃይካ ዓኣኔ፤ ታ ዒንሢም ጋዓኔ።

⁷ሃሣ ‹ታኣኒ ኮዓሢ ዓሲ ሚጪንቲሢ ማዓንዳኣፓዓቴም ታኣም ሹኪ ዒንጎ ባኣዚ''ቱዋሴ› ጋዓ ማፃኣፖ ቃኣላ'' ዎዚ ጌይሢታቶዋ ዒንሢ ዔራያታቶ ዻቢንቲባኣ ዓሶ ዑፃ ‹ዔያታ ዻቤኔ› ጌይ ዎጋዓታንቴኬ።

⁸ዓይጎሮ ጌዔቶ ዓሲኮ ናዓሢ ሃውሾ ኬሎ''ኮዋ ጎዳኬ» ጌዔኔ።

⁹ዬሱሴ ዬኖ ቤዞይዳፓ ዔቂ ዓይሁዶ ዓሶኮ ቡኪንቶ ቤዞ ጌሌኔ፤

¹⁰ዒኢካ ፔቴ''፥ ኩቺ ዎቦ ዓሲ ዓኣኔ፤ ዒማ''ና ዬሱሴ ዎጎና ዓይሢሳኒ ኮዓ ፔቴ'' ፔቴ'' ዓሳ፦ «ዓይሁዶ ዓሶኮ ሃውሾ ኬሎ''ና ሃርጊንቴ ዓሶ ፓሣኒ ዓይሢንቴያዳ?» ጌዒ ዖኦጬኔ።

¹¹ዬሱሴያ ማሃዖ፦ «ዒንሢ ባኣካ''ፓ ፔቴ'' ማራይ ዓኣ ዓሲ ማራዓሢ ሃውሾ ኬሎ''ና ዔቴይዳ ሎኦሜቶ ጎቺ ኬሱ''ዋዓዳ?

¹²ዓካሪ ያዺ ማዔቶ ዓሲ ማራይዳፓ ዎይቲ ባሹዋይ? ዬያሮ ሃውሾ ኬሎ''ና ኮሺ ማዾ ማዺሢ ዓይሢንቴያኬ» ጌዔኔ።

¹³ዬካፓ ዬሱሴ ኩጮ ዎቦ ዓሢም፦ «ኩጮ ኔኤኮ ፒሼ!» ጌዔም ዒዚ ፒሻዛ ኩጫ ኮሽኪ ባጎ ኩጮጉዲ ማዔኔ።

¹⁴ፔርሴ ዓሳ ጋዓንቴ ዬካፓ ኬስካዖ ዬሱሴ ዎማይዲ ዔያታ ዎዻንዳቴያ ዎላ'' ዞርቴኔ።

¹⁵ዬማ''ና ዬሱሴ ዔያቶኮ ማሊፆ ዔራዖ ዒኢካፓ ዴንዳዛ፥ ሚርጌ ዴሬ ዒዛ ጊንፆ ዓኣዼኔ፤ ዬያ ዓሶፓ ሃርጊንቴ ዓሶ ቢያ ዒ ፓሤኔ።

¹⁶ዒዛኮ ዖኑሞ ዖኦማኣ ዔያታ ኬኤዙዋጉዲ ዔያቶ ላኣጌኔ፤

¹⁷ዬይ ያዺ ማዔሢ ፆኦሲ ማሊፆ ኬኤዛ ዒሲያሴ ዛሎ''ና፦

¹⁸«ሃይሾ ታ ዶኦሬ፥ ታ ዒዛ ናሽካያ ሃሣ ታና ዎዛሳ ታኣም ማዻሢዳ ታ ዓያኖ ዒዛ ዑፃ ታ ማሃንዳኔ፤ ዒዚ ዓሲ ዜርሢም ቢያ ታኣኮ ፒዜ ዎጊፆ ዔርዛንዳኔ።

¹⁹ዒዚ ማርሚ ዒላታዓኬ፤ ጎይፆይዳኣ ዑኡዞ ዋይዚሳዓኬ።

²⁰ቱቄ ፒሎ''ዋ ዒ ሜንሣዓኬ፤ ዜኤሮ ታሞዋ ዎዻዓኬ። ጎኑሞ ባሻንዳያ ሄላ''ንዳኣና ዬያ ዒ ማዻንዳኔ።

²¹ዓሲ ዜርሢያ ዒዛይዳ ሃጊ ማዓንዳ ዎዛ ጌሣንዳኔ» ጌይንቴሢ ኩማ''ንዳጉዲኬ።

²²ዬካፓ ፑርታ ዓያና ዓርቄም ዛጋኒና ጌስታኒያ ዳንዳዑዋ ፔቴ'' ዓሲ ዓሳ ዬሱሴ ባንሢ ዔኪ ሙኬኔ። ዬሱሴያ ዒዛ ፖዒሳዛ ዓሢ ዛጋኒና ጌስታኒያ ዳንዳዔኔ።

²³ዒማ''ና ዴራ'' ቢያ ዲቃቲ ሄርሻዖ፦ «ሓይ ዳውቴ ናዓሢ ማዓንዳሞ?» ጌዔኔ።

²⁴ጋዓንቴ ፔርሴ ዓሳ ዬያ ዛጌ ዎዶ''ና፦ «ሃይ ዓሢ ፑርቶ ዓያኖ ኬሳ''ሢ ፑርቶ ዓያኖ ሱኡጋሢ ቢዔልዛቡሌ ዎልቆና ማዓንዳኣፓዓቴም» ጌዔኔ።

²⁵ዬሱሴ ዔያቶኮ ማሊፆ ዔራዖ፦ «ፔቴ'' ማዒባኣ ካኣቶ'' ዓጪ ቢያ ላባ''ኔ፤ ዎላ'' ፔቴ'' ማዒባኣ ካታማታቶዋ ማኣሪ ዶዱዋሴ።

²⁶ፃላሄ ፃላሄ ኬሳ''ያ ማዔቶ ዎሊፓ ዱማዼኔ ጌይሢኬ፤ ያዺ ማዔቶ ካኣቱማ ዎይቲ ዶዳኒ ዳንዳዓይ?

²⁷ታኣኒ ፑርቶ ዓያኖ ኬሳ''ሢ ዔያቶኮ ሱኡጋሢ ቢዔልዛቡሌና ማዔቶ ዒንሢኮ ናኣታ'' ዓይጎና ፑርቶ ዓያኖ ኬሳ''ይ? ዬያሮ ዒንሢ ናኣታ'' ዒንሢዳ ዎጋንዳኔ።

²⁸ጋዓንቴ ፑርቶ ዓያኖ ታ ኬሳ''ሢ ፆኦሲ ዓያኖና ማዔቶ ፆኦሲ ካኣቱማ ዒንሢ ኮራ ሙኬኔ ጌይሢኬ» ጌዔኔ።

²⁹ዬሱሴ ሃሣ፦ «ፔቴ'' ዓሲ ፔቴ'' ዎልቄና ዓኣ ዓሲ ቤርታዺ ቱኩ''ዋዖ ዎልቆና ዓኣ ዓሢ ማኣሪ ጌሊ ዓኣ ባኮ ቡራኒ ዎይቲ ዳንዳዓንዳይ? ዎልቆሲ ቱኬ''ሢኮ ጊንፃ ዒዛኮ ዓኣ ባኮ ቡራኒ ዳንዳዓኔ።

³⁰«ታ ዓሲ ማዒባኣሢ ቢያ ታና ዒፃኔ፤ ታኣና ዎላ'' ማዒ ዔኤቢ ቡኩሲባኣ ዓሲ ላኣላያ ማዓንዳኔ።

³¹ዬያሮ ዓሲ ማዻ ዓይጎ ዻቢንቲ ማዔቶዋ፥ ጫሺ ቢያ ዒዛም ዓቶም ጌይንታንዳኔ፤ ታ ዒንሢም ጋዓኔ። ዓያና ጌኤሺ ጫሽካ ዓሲም ጋዓንቴ ዻቢንታ ዓቶም ጌይንታዓኬ።

³²ዓሲ ናዓሢ ጫሽካሢም ቢያ ዻቢንታ ዓቶም ጌይንታንዳኔ፤ ዓያና ጌኤሺ ጫሽካሢም ቢያ ጋዓንቴ ሃያ ዓጮ''ይዳ ማዔቶዋ ሃጋኣ ዓጮ''ይዳ ዻቢንታ ዓቶም ጌይንቲንዱዋሴ» ጌዔኔ።

³³ዬሱሴ ሃሣ፦ «ሚሢ ቢያ ዓኣፓፓ ዔርታሢሮ ዒንሢኮ ኮሺ ሚሢ ዓኣቶ ኮሺ ዓኣፒ ዒንሢ ዴንቃንዳኔ፤ ፑርታ ሚሢ ዒንሢኮ ዓኣቶ ጋዓንቴ ፑርታ ዓኣፒ ዒንሢ ዴንቃንዳኔ፤

³⁴ዒንሢ ሃይ ሾኦዦ ናኣታ''! ዒንሢ ፑርታታዖ ኮሺ ባኣዚ'' ኬኤዛኒ ዎይቲ ዳንዳዓይ? ዓይጎሮ ጌዔቶ ዓሲ ኬኤዛ ባካ ዓሢኮ ዒኖይዳፓ ኩሚ'' ኬስኬሢኬ።

³⁵«ኮሺ ዓሲ ዒና'' ዓኣ ኮሹሞይዳፓ ኮሺ ባኣዚ'' ጌስታኔ፤ ፑርታ ዓሲ ፔኤኮ ዒና'' ዓኣ ፑርቱሞይዳፓ ፑርታ ባኣዚ'' ጌስታኔ።

³⁶ጋዓንቴ ታ ዒንሢም ጋዓኔ፤ ዓሳ ኮይሱዋ ባኮ ጌስቴሢ ዛሎ'' ቢያ ዓጮ''ይዳ ፆኦሲ ዎጋ ኬሎ''ና ዖኦጪንታንዳኔ።

³⁷ዬይ ያዺ ማዓዛ ኔ ኮሺ ጌስቴቴ ኮሺ ባኣዚ'' ኔኤም ዎጊንታንዳኔ፤ ኔኤኒ ፑርታ ጌስቴቴ ፑርታ ኔጊዳ ዎጊንታንዳኔ» ጌዔኔ።

³⁸ዒማ''ና ሙሴ ዎጎ ዔርዛ ዓሶና ፔርሴ ዓሶና ዬሱሴ ኮራ፦ «ዔርዛሢዮ፤ ኔኤኒ ፆኦሲ ዎልቄና ማዺንታ ዓኪ ባኣዚ'' ማዻንቴ ኑ ዛጋኒ ኮዓኔ!» ጌዔኔ።

³⁹ዒዚ ጋዓንቴ ዔያቶም፦ «ፑርታ ሃሣ ጉሙርቂንቱዋ ሃያ ዎዶ'' ዓሳ ፆኦሲ ዎልቄና ማዺንታ ዓኪ ባኣዚ'' ዛጋኒ ኮዓኔ፤ ጋዓንቴ ፆኦሲ ማሊፆ ኬኤዛሢ፥ ዮናኣሴይዳ ማዺንቴ ዓኮ ባካፓ ዓታዛ ሜሌ'' ፆኦሲ ዎልቄና ማዺንታ ዓኪ ባኣዚ'' ዔያቶም ማዺንታዓኬ።

⁴⁰ዮናኣሴ ዼኤፖ ሞላሢ ጎጳ ሃይሦ ኬሊ'' ዋንቴና ሮኦሪና ዴዔሢጉዲ ዓሲኮ ናዓሢ ዱኡፒዳ ሃይሦ ኬሊ'' ሮኦሪና ዋንቴና ዴዓንዳኔ።

⁴¹ኔኔዌ ካታሞ ዓሳ ዓጮ''ይዳ ፆኦሲ ዎጋ ኬሎ''ና ሃያ ዎዶ'' ዓሶይዳ ዎጋያ ማዓንዳኔ፤ ዓይጎሮ ጌዔቶ ኔኔዌ ዓሳ ዮናኣሴ ኬኤዜሢ ዋይዜ ዎዶ''ና ዻቢንቶ ዔሪ፥ ጎሞዋ ቡኡፄሢሮኬ። ያዺ ማዔቶዋ ሃሢ ዮናኣሴይዳፓ ባሼ ሃይካ ዓኣኔ።

⁴²ዓጮ''ይዳ ፆኦሲ ዎጋ ኬሎ''ና ሳኣባ ዓጮ'' ካኣቴላ ሃያ ዓሶ ዑፃ ዎጋንዳኔ፤ ዓይጎሮ ጌዔቶ ዒዛ ካኣቲ ሴሎሞኔኮ ዔራቶ ዋይዚ ዓጪ ዙልካፓ ሙኬያታሢሮኬ፤ ያዺ ማዔቶዋ ሴሎሞኔይዳፓ ባሼ ሃይካ ዓኣኔ» ጌዔኔ።

⁴³ዬሱሴ ሃሣ፦ «ፑርታ ዓያና ዓሲዳፓ ኬስኬ ዎዶ''ና ጌላንዳ ቤሲ ኮይ ኮይ ዋኣሢባኣ፥ ዓሲ ናንጉዋ ዳውሎ''ይዳ ሃንታኔ። ጋዓንቴ ጌሎንዶ ቤሲ ዴንቁዋሴ፤

⁴⁴ዬያሮ ‹ታ ኬስኬ ማኣሮ ማዒ ዓኣዻንዳኔ› ጋዓኔ። ማዒ ዒ ሙካ ዎዶ''ና ኬኤፃ ጉሪ ማዒ፥ ጌኤሽኪ፥ ጊኢጊ ዓኣንቴ ዴንቃኔ።

⁴⁵ዬካፓ ፑርቶ ዓያና''ሢ ዓኣዺ ዒዛይዳፓ ባሼ ፑርታ ሜሌ'' ላንካይ ፑርታ ዓያና ቡኩሲ ዔኪ ሙኪ ዒዚ ቤርታ ዓኣ ዓሢዳ ጌሊ ዎላ'' ናንጋኔ፤ ዬያሮ ዬያ ዓሢኮ ጋፒንፆ ናንጋ ቤርታኣስካፓ ባሼ ፑርታ ማዓኔ። ሃያ ዎዶ'' ፑርቶ ዓሶ ዑፃ ማዓንዳ ባካ ዬያ ማላ ባኣዚ''ኬ» ጌዔኔ።

⁴⁶ዬሱሴ ዴሮ''ም ኬኤዛ ጎይሣ ዓኣንቴ ዒዛኮ ዒንዶና ጌርሲንሢና ዒዛና ጌስታኒ ኮዒ ካራ'' ሙኪ ዔቄኔ፤

⁴⁷ዒማ''ና ዒኢካ ዓኣ ዓሶይዳፓ ፔቴ''ስኬይ ዬሱሴ ኮሮይዳ፦ «ሃይሾ ኔኤኮ ዒንዶና ጌርሲንሢና ኔና ኮዒ ካራ'' ዔቂ ዓኣኔ» ጌዔኔ።[4]

⁴⁸ዬሱሴ ጋዓንቴ፦ «ዒንዳ ታኣኮ ዖናዳይ? ጌርሲንሢያ ዖናንሢዳይ?» ጌዒ ማሄኔ።

⁴⁹ዬያ ጌዔስካፓ ኩጮና ዒዛኮ ጊንፆ ሃንታ ናኣቶ'' ባንሢ ዻዊ ዻዊ፦ «ታኣኮ ዒንዶና ጌርሲንሢና ሃይሾ ሃኣቶኬ፤

⁵⁰ጫሪንጮይዳ ዓኣ፥ ታ ዓዳሢ ዓይሢፆ ኩንሣዞንሢ ቢያ ታኣኮ ጌርሲንታ ጌሮንታ ዒንዶንታ ዬያቶኬ» ጌዔኔ።