Read maale ማቲዎሴ 15 Bible Online

ማቲዎሴ 15 - maale bible

ማቲዎሴ 15

¹ዬካፓ ዬሩሳላሜይዳፓ ሙኬ ፔርሴ ዓሶና ሙሴ ዎጎ ዔርዛዞንሢና ዬሱሴ ኮራ ሙካዖ፦

²«ኔኤኮ ጊንፆ ሃንታዞንሢ ኑ ዓዶንሢ ዎጎ ዓይጎሮ ካፑዋይ? ሃሣ ዔያታ ሙዖ ሙዓሢያ ኩጮ ማስቱዋዖኬ» ጌዒ ዖኦጬኔ።

³ዬሱሴ ዔያቶም ማሃዖ፦ «ዒንሢ ዒንሢኮ ዎጎ ካፓኒ፥ ፆኦሲ ዓይሢፆ ዓይጎሮ ዒንሢ ሃሻ''ይ?

⁴ዬይ ዓይሢፃ ፆኦሲ ‹ኔኤኮ ዓዶና ዒንዶና ቦንቼ፤ ዓዶ ሃሣ ዒንዶ ጫሽካሢ ቢያ ሃይቢና ዎጊንታንዳኔ› ጋዓሢኬ።

⁵ዒንሢ ጋዓንቴ ፔቴ'' ዓሲ ዓዶታቴያ ዒንዶ ‹ታጊዳፓ ዒንሢ ዴንቃንዳ ማኣዳሢ ታኣኒ ፆኦሲም ዒንጎ ባኣዚ'' ማሂ ዒንጌኔ› ጌዔቶ፥

⁶ዬይ ዓሢ ዓዶታቶዋ ዒንዶ ቦንቻኒ ዒዛ ኮይሱዋሴ ዒንሢ ጋዓኔ፤ ዬያሮ ዒንሢኮ ዳምቦ ዶዲሻኒ ጌዒ ፆኦሲ ቃኣሎ'' ዒንሢ ሃሻ''ኔ፤

⁷ሃይ ዒንሢ፥ ፂሎ''ቱዋታዖ ፔና ‹ፂሎ''ኬ› ጋዓ ዓሳ! ዒሲያሴ ዒንሢ ዛሎ''፦

⁸‹ሓይ ዴራ'' ዻንጎና ታና ቦንቻኔ፥ ዒና'' ጋዓንቴ ታጊዳፓ ሃኬያኬ፤

⁹ዓሲ ኬሴ'' ዎጌና ዳምቤና ፆኦሲ ዎጌ ማሂ ዔርዚ ዔርዚ ጉሪ ታና ዔያታ ካኣሽካያ ማላኔ› » ጌዒ ኬኤዜሢ ፒዜኬ።

¹⁰ዬካፓ ዬሱሴ ዴሮ'' ፔ ባንሢ ዔኤላ''ዖ፦ «ዒና ዔኪ ዋይዙዋቴ፤

¹¹ዓሲ ጌኤሺቱዋያ ማሃሢ ዓሲዳፓ ኬስካ ባኣዚ'' ማሃንዳፓዓቴም ዙልካፓ ዻንጋና ጌላ ባኣዚ''ቱዋሴ» ጌዔኔ።

¹²ዬካፓ ዒዛኮ ጊንፆ ሃንታ ናኣታ'' ዒዛ ባንሢ ሙካዖ፦ «ፔርሴ ዓሳ ዬያ ኔ ጌዔ ባኮ ዋይዚ ዒኔ ዱጴሢ ኔ ዔሪያ?» ጌዔኔ።

¹³ዒዚ ጋዓንቴ፦ «ታኣኮ ጫሪንጮ ዓዳሢ ቱኪ''ባኣ ሚሢ ቢያ ቱጊንታንዳኔ፤

¹⁴ዔያታ ዓኣፒ ባይቄያ ሃሣ ዓኣፓ ባይቄ ዓሶኮ ዓርና ማዔሢሮ ዔያቶ ባኣዚ'' ሃሹ''ዋቴ፤ ዓኣፒ ባይቄ ዓሲ ዓኣፒ ባይቄያ ዔኪ ዓኣዻያ ማዔቶ ላምዖንሢ ዎሊ ዔኪ ዔቴይዳ ሎኦማንዳኔ» ጌዔኔ።

¹⁵ጴፂሮሴ ዬሱሴ ኮራ፦ «ዬኖ ኮኦኪንሦኮ ቡሊ''ፆ ኑም ኬኤዜ» ጌዔኔ።

¹⁶ዬሱሴ ዔያቶም፦ «ዒንሢያ ሃኖ'' ሄላ''ንዳኣና ማሊ ጶቂሡዋያዳ?

¹⁷ዻንጋና ሊካ ጌላ ባኣዚ'' ቢያ ጎጶ ኬዳ''ዖ ጊንሣ ዙሎ'' ኬስካሢ ዒንሢ ዔሩዋዓዳ?

¹⁸ዻንጋና ኬስካ ባኣዚ'' ጋዓንቴ ዒናይዳፓ ኬስካኔ፤ ዓሲ ጌኤሺቱዋያ ማሃሢ ዬያኬ።

¹⁹ፑርታ ማሊሢ፥ ዓሲ ዎዺሢ፥ ዓኒ ሃሣ ማቾ ማዒ ባኣያና ላሂሢ፥ ኮይሱዋ ጎይሢና ዞኦስካ ኮኦሚሢ፥ ዉሱሞ፥ ሉኡዙሞ፥ ዓሲ ፑሽኪሢ፤ ዬይ ቢያ ዓሲ ዒናይዳፓ ኬስካኔ።

²⁰ዓሲ ጌኤሺቱዋያ ማሃሢ ዬያጉዴ ባኮ ማዓንዳፓዓቴም ማስቲባኣ ኩቺና ሙዒሢቱዋሴ» ጌዔኔ።

²¹ዬሱሴ ዬካፓ ፂሮሴና ሲዶና ጎዖ ዓጮ'' ዓኣዼኔ፤

²²ዬኖ ዓጮ''ይዳ ፔቴ'' ካኣናኔ ዓጪ ላኣሊስኬና ዬሱሴ ኮራ ሙካዖ፦ «ዳውቴ ናዓሢዮ፥ ታ ጎዳ! ሃዳራ ታና ማኣዴቴራ፤ ታኣኮ ናይስኬኖ ፑርታ ዓያና ዓርቄም ሚርጌ ሜታዻኔ» ጌዒ ዒላቴኔ።

²³ዬሱሴ ጋዓንቴ ፔቴ''ታዖ ዔኤቢ ጎዑዋዖ ዚቲ ጋዓዛ፥ ዒዛኮ ጊንፆ ሃንታ ናኣታ'' ዒዛ ኮይላ'' ሙካዖ፦ «ሃና ላኣሌላ ኑ ጊንፆ ዒላቲ ዒላቲ ሃንታሢሮ ሃዳራ ዒዞ ዳኬ» ጌዒ ሺኢቄኔ።

²⁴ዒዚ ማሃዖ፦ «ታኣኒ ዳኪንቴሢ ፆኦሲኮ ዣኣሊ ባይቄ ማራቶ፥ ዒስራዔኤሌ ዓሶም ሌሊኬ» ጌዔኔ።

²⁵ላኣሌላ ጋዓንቴ ዑኪ ሙኪ ዒዛኮ ቶኮ ዴማ'' ጉምዓታዖ፦ «ታ ጎዳሢዮ! ሃዳራ ታና ማኣዴ''!» ጌዔኔ።

²⁶ዬሱሴ ማሃዖ፦ «ናኣቶ'' ካሦ ዔኪ ካናቶም ዓጊሢ ኮይሳያቱዋሴ» ጌዔኔ።

²⁷ላኣሌላ፦ «ጎዳሢዮ ጎኔኬ! ጋዓንቴ ካናታ ዔያቶኮ ዓዶንሢ ሙዓፓ ዲኢኔሢ ሙሙዓኔ» ጌዔኔ።

²⁸ዬሱሴ፦ «ዔና! ኔኤኮ ጉሙርቂፃ ዼኤፒኬ፤ ኔ ኮዔሢጉዲ ኔኤም ማዖንጎ» ጌዔኔ። ላኣሌሎኮ ናዔላ ዒማ'' ዒ ጋጋዓማና ዻቄኔ።

²⁹ዬሱሴ ዬካፓ ዔቂ ጌሊላ ባዞ'' ዓጮ ሙካዖ ሌካ ዹኮ'' ኬስኪ ዒኢካ ዴዔኔ።

³⁰ሚርጌ ዓሳ ሃንታኒ ዳንዳዑዋ ዎቦ ዓሶ፥ ዓኣፓ ባይቄ ዓሶ፥ ዎቦ ዓሶ፥ ዻንጎ ባይቄ ዓሶ፤ ዬያጉዲ ሜሌ'' ሃርጌ ዓሶዋ ዬሱሴ ባንሢ ዔኪ ሙኪ ዒዛኮ ቶኮ ዴማ'' ጌሤም ዔያቶ ዒ ፖዒሴኔ።

³¹ዬያሮ ዴራ'' ዻንጎ ባይቄ ዓሳ ጌስቴሢሮ፥ ሃንታኒ ዳንዳዑዋ ዎቦ ዓሳ ዻቄሢሮ፥ ዎቦ ዓሳ ፒኪ ሃንቴሢሮ፥ ዓኣፖ ባይቄ ዓሳ ዛጌሢሮ ዲቃቲ ሄርሺ ዒስራዔኤሌ ፆኦዛሢ ጋላቴኔ።

³²ዬሱሴ ዒዛኮ ጊንፆ ሃንታዞንሢ ዔኤላ''ዖ፦ «ዓሳ ታኣና ዎላ'' ሃይሦ ኬሊ'' ዴዔሢሮ ሙዓ ባኣዚ''ያ ዔያቶኮ ባኣሢ ታና ሚቻኔ፤ ሃሢ ዔያታ ዴንዳዖ ጎይፃ ላቢ'' ዓቱዋጉዲ ዔኤቢ ሙኡዙዋዖ ታ ዔያቶ ዳካኒ ኮዑዋሴ» ጌዔኔ።

³³ዒዛኮ ጊንፆ ሃንታ ናኣታ'' ማሃዖ፦ «ሂዴቶ ሃያ ቢያ ዓሶም ጊዳ ሙኡዚ'' ሃይካ ዓሲ ናንጉዋ ዳውሎ''ይዳ ዓይጋፓ ኑ ዴንቃንዳይ?» ጌዔኔ።

³⁴ዬሱሴ ዔያቶ ኮራ፦ «ዓኣፒኒ ካሣ ዒንሢኮ ዓኣይ?» ጌዒ ዖኦጬኔ፤ ዔያታ፦ «ላንካይ ካሣና ዻካ'' ሞሎና ዓኣኔ» ጌዔኔ።

³⁵ዬካፓ ዬሱሴ ዴራ'' ሳዖይዳ ዴዓንዳጉዲ ዓይሣዖ፥

³⁶ላንካዎ ካሦንሢና ሞሎንሢና ዔኪ ፆኦሲ ሺኢቂ፥ ቡንፂ ጊንፆ ሃንታዞንሢም ዒንጋዛ ዔያታኣ ዴሮ''ም ሺኢሼኔ።

³⁷ቢያሢ ሙዒ ሚሽኬም ዓቴ'' ዶምቦ ጊንፆ ሃንታዞንሢ ቡኩሲ ላንካይ ዼኤፒ ሌማቴ ኩሙሢ ዔኬኔ።

³⁸ሙዔ ዓሳ ላኣሎና ናኣቶ''ና ዓታዛ ዓቲንቃ ሌሊ ዖይዶ ሺያ ማዓያኬ።

³⁹ዬካፓ ዬሱሴ ዴሮ'' ሳራሢ ዳካዖ፥ ዋኣፆና ፒንቆ ጎንጎ ቶጊ፥ ሜጌዶኔ ዓጮ'' ዓኣዼኔ።